ICC World cup 2023: అదరగొట్టిన బౌలర్లు... ఆఫ్ఘాన్ ముందు ఈజీ టార్గెట్ పెట్టిన శ్రీలంక..
Sri Lanka vs Afghanistan: 4 వికెట్లు తీసిన ఫజల్‌ హక్ ఫరూకీ... 6 పరుగులు చేసిన పథుమ్ నిశ్శంక, 39 పరుగులు చేసిన కుసాల్ మెండిస్... ఆఫ్ఘాన్ ముందు 242 పరుగుల టార్గెట్..
 )
Followఐసీసీ మెన్స్ వన్డే వరల్డ్ కప్ 2023 టోర్నీలో భాగంగా నేడు పూణేలో శ్రీలంక- ఆఫ్ఘాన్ మధ్య మ్యాచ్ జరుగుతోంది. టాస్ ఓడి తొలుత బ్యాటింగ్ చేసిన శ్రీలంక, 49.3 ఓవర్లలో 241 పరుగులకి ఆలౌట్ అయ్యింది. దిముత్ కరుణరత్నే 21 బంతుల్లో ఓ ఫోర్‌తో 15 పరుగులు చేసి ఫజల్‌హక్ ఫరూకీ బౌలింగ్‌లో అవుట్ అయ్యాడు. పథుమ్ నిశ్శంక, శ్రీలంక కెప్టెన్ కుసాల్ మెండిస్ కలిసి రెండో వికెట్‌కి 62 పరుగుల భాగస్వామ్యం జోడించారు. 60 బంతుల్లో 5 ఫోర్లతో 46 పరుగులు చేసిన పథుమ్ నిశ్శంక, అజ్మతుల్లా ఓమర్‌జాయ్ బౌలింగ్‌లో అవుట్ అయ్యాడు..
కుసాల్ మెండిస్- సధీర సమరవిక్రమ కలిసి నాలుగో వికెట్‌కి 50 పరుగుల భాగస్వామ్యం నెలకొల్పారు. 50 బంతుల్లో 3 ఫోర్లతో 39 పరుగులు చేసిన కుసాల్ మెండిస్, ముజీబ్ వుర్ రెహ్మాన్ బౌలింగ్‌లో అవుట్ అయ్యాడు. సధీర సమరవిక్రమ 40 బంతుల్లో 3 ఫోర్లతో 36 పరుగులు చేసి ముజీబ్ బౌలింగ్‌లో క్లీన్ బౌల్డ్ అయ్యాడు..
ధనంజయ డి సిల్వ 16 పరుగులు చేసి అవుట్ కాగా చరిత్ అసలంక 22 పరుగులు చేశాడు. దుస్మంత ఛమీరా 1 పరుగు చేసి రనౌట్ కాగా ఏంజెలో మాథ్యూస్- మహీశ్ తీక్షణ కలిసి 8వ వికెట్‌కి 45 పరుగుల భాగస్వామ్యం జోడించారు.
31 బంతుల్లో 3 ఫోర్లు, ఓ సిక్సర్‌తో 29 పరుగులు చేసిన మహీశ్ తీక్షణని ఫజల్‌హక్ ఫరూకీ క్లీన్ బౌల్డ్ చేశాడు. 26 బంతుల్లో 4 ఫోర్లు, ఓ సిక్సర్‌తో 23 పరుగులు చేసిన ఏంజెలో మాథ్యూస్‌ని ఫజల్‌హక్ ఫరూకీ అవుట్ చేశాడు. 5 పరుగులు చేసిన రంజిత, నవీన్ ఉల్ హక్ వేసిన ఇన్నింగ్స్ ఆఖరి ఓవర్‌లో వైడ్ బాల్‌కి పరుగు తీయబోయి రనౌట్ అయ్యాడు..
ఆఫ్ఘాన్ బౌలర్లలో ఫజల్‌హక్ ఫరూకీ 10 ఓవర్లలో ఓ మెయిడిన్‌తో 34 పరుగులిచ్చి 4 వికెట్లు తీశాడు. ముజీబ్ వుర్ రెహ్మాన్ 2 వికెట్లు, అజ్మతుల్లా ఓమర్‌జాయ్, రషీద్ ఖాన్ తలా ఓ వికెట్ తీశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
