పరిస్థితి దిగజార్చకండి: కాశ్మీర్‌పై అక్తర్ కీలక వ్యాఖ్యలు
ప్రస్తుతం మన పరిస్థితి బాలేదని నేను అంగీకరిస్తాను.. మీరు మీ దేశాన్ని ప్రేమిస్తారు.. మేం మా దేశాన్ని ప్రేమిస్తాం.. ఈ రెండు తాను ఒప్పుకుంటానని... కానీ మరింత విద్వేషం వ్యాప్తి చెందేందుకు మాత్రం మనం కారణం కావొద్దని అక్తర్ సూచించాడు.
జమ్మూకాశ్మీర్‌కు ప్రత్యేక ప్రతిపత్తి కల్పించే ఆర్టికల్ 370ని భారత ప్రభుత్వం రద్దు చేయడాన్ని పాకిస్తాన్ ఏ మాత్రం జీర్ణించుకోలేకపోతోంది. ఆ దేశ రాజకీయ నాయకులతో పాటు క్రీడాకారులు, సినీ ప్రముఖులు భారత్‌పై తమ అక్కసు వెళ్లగక్కుతున్నారు.
తాజాగా పాకిస్తాన్ మాజీ ఫాస్ట్ బౌలర్ షోయబ్ అక్తర్ కూడా ఆ లిస్టులో చేరిపోయాడు. కాశ్మీర్‌లో ఉద్రిక్త పరిస్థితులు నెలకొన్న నేపథ్యంలో ఎవరూ విద్వేషం వ్యాప్తి చేయొద్దని.. తన యూట్యూబ్ ఛానెల్‌లో కోరాడు.
ప్రస్తుతం మన పరిస్థితి బాలేదని నేను అంగీకరిస్తాను.. మీరు మీ దేశాన్ని ప్రేమిస్తారు.. మేం మా దేశాన్ని ప్రేమిస్తాం.. ఈ రెండు తాను ఒప్పుకుంటానని... కానీ మరింత విద్వేషం వ్యాప్తి చెందేందుకు మాత్రం మనం కారణం కావొద్దని అక్తర్ సూచించాడు. ఉద్రిక్తత, ఆందోళనను మరింత పెంచే వ్యాఖ్యలు, చర్యల జోలికి పోవొద్దని.. పరిస్థితి మరింత దిగజారకుండా చూడాలని అక్తర్ పేర్కొన్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
