Asia Cup: ఆసియా కప్ ఫైనల్ లో టాస్ గెలిచిన పాకిస్తాన్.. లంక బ్యాటింగ్
Asia Cup 2022 Final Live: ఆసియా కప్ ఫైనల్ సమరం మొదలైంది. దుబాయ్ వేదికగా జరుగుతున్న ఆసియా కప్ ఫైనల్ లో పాకిస్తాన్ - శ్రీలంక ల మధ్య కీలక సమరాకి తెరలేచింది.
గడిచిన మూడు ఆదివారాలుగా యూఏఈ వేదికగా జరుగుతున్న ఆసియా కప్ తుది అంకానికి చేరింది. ఇప్పటికే ఫైనల్ చేరిన శ్రీలంక, పాకిస్తాన్ జట్లు నేడు దుబాయ్ వేదికగా జరుగుతున్న ఫైనల్ లో తలపడుతున్నాయి. ఈ మ్యాచ్ లో టాస్ గెలిచిన పాకిస్తాన్ తొలుత ఫీల్డింగ్ ఎంచుకుంది. దుబాయ్ లో టాస్ కీలకపాత్ర పోషిస్తున్న తరుణంలో మరి టాస్ ఓడిన శ్రీలంక ఈ మ్యాచ్ లో గెలుస్తుందా..? లేదా..? అనేది మరో నాలుగు గంటల్లో తేలనుంది. సూపర్-4 లో లంక పై ఓడినదానికి పాకిస్తాన్ బదులు తీర్చుకోవాలని భావిస్తుండగా.. అదే ఫలితాన్ని రిపీట్ చేయాలని శ్రీలంక భావిస్తున్నది.
ఈ మ్యాచ్ లో పాకిస్తాన్ లో గత మ్యాచ్ లో ఆడని షాదాబ్ ఖాన్, నసీమ్ షా తిరిగి జట్టుతో చేరారు. లంక జట్టులో మార్పులేమీ లేవు. సూపర్-4 చివరి మ్యాచ్ లో బరిలోకి దిగిన ఆ జట్టే ఈమ్యాచ్ లోనూ బరిలోకి దిగుతున్నది.
ఆసియా కప్ లో భాగంగా దుబాయ్ లో ముగిసిన గత 8 మ్యాచుల్లో టాస్ గెలిచి ఛేదన చేసిన జట్లే 6 సార్లు గెలిచాయి.
తుదిజట్లు :
శ్రీలంక : దసున్ శనక (కెప్టెన్), కుశాల్ మెండిస్, పతుమ్ నిస్సంక, దనుష్క గుణతిలక, ధనంజయ డి సిల్వ, భానుక రాజపక్స, వనిందు హసరంగ, చమీక కరుణరత్నె, ప్రమోద్ మదుషన్, మహేశ్ తీక్షణ, దిల్షాన్ మధుశంక
పాకిస్తాన్ : బాబర్ ఆజమ్ (కెప్టెన్), మహ్మద్ రిజ్వాన్,ఫకర్ జమాన్, ఇఫ్తికార్ అహ్మద్, ఖుష్దిల్ షా, మహ్మద్ నవాజ్, షాదాబ్ ఖాన్, అసిఫ్ అలీ, హరీస్ రౌఫ్, నసీమ్ షా, మహ్మద్ హస్నేన్