దేశంలో ఎన్ని కట్టుదిట్టమైన చర్యలు తీసుకుంటున్నప్పటికీ కరోనా వైరస్ చాపకింద నీరులా వ్యాపిస్తోంది. శుక్రవారం దేశంలో మరో కరోనా మరణం సంభవించింది. తుముకూరుకు చెందిన 65 ఏళ్ల వృద్ధుడు వైరస్‌తో చికిత్స పొందుతూ ప్రాణాలు కోల్పోయాడు.

ఆ వృద్ధుడు ఈ నెల 5న ఢిల్లీకి వెళ్లి 11న రాష్ట్రానికి తిరిగొచ్చాడు. బాధితుడితో పాటు రైలులో ప్రయాణించిన వారి వివరాలను సేకరించే పనిలో అధికారులు బిజీగా ఉన్నారు. మరోవైపు కర్ణాటకలో కోవిడ్ కేసుల సంఖ్య పెరుగుతూనే ఉంది.

Also Read:తాను చనిపోతూ.. 23 మందికి కరోనా అంటించాడు, 15 గ్రామాలకు సీల్

తాజాగా మరో ఏడు కొత్త కేసులు నమోదవ్వడంతో ఆ రాష్ట్రం కరోనా బాధితుల సంఖ్య 62కు చేరింది. కొత్తగా నమోదైన కేసుల్లో పది నెలల చిన్నారి కూడా ఉండటం ఆందోళన కలిగిస్తోంది.

ఈ పిల్లాడి తల్లిదండ్రులది దక్షిణ కన్నడ జిల్లాగా తెలుస్తోంది. వారెవరూ విదేశాలకు వెళ్లి రాలేదు. కానీ ఇటీవలే వీరి కుటుంబం కేరళ వెళ్లి వచ్చిందని సమాచారం. రంగంలోకి దిగిన అధికారులు వీరితో కాంటాక్ట్‌లో వారి వివరాలు సేకరించే పనిలో పడింది.

Also Read:ఇల్లు దాటితే ముఖంపై స్టాంప్ పడుద్ది: లాక్‌డౌన్‌ అమలుకు కశ్మీర్ పోలీసుల ప్రయోగం

అలాగే కొలంబో వెళ్లి మార్చి 15న బెంగళూరు తిరిగొచ్చిన 20 ఏళ్ల వ్యక్తికి, లండన్ నుంచి మార్చి 18న తిరిగొచ్చిన 25 ఏళ్ల యువతికి కరోనా సోకినట్లు తేలింది. ఓ కరోనా పేషేంట్ ఇంట్లో పనిచేసే ఇద్దరు మహిళలకు కూడా వైరస్ సోకింది. మొత్తం మీద కర్ణాటకలో వైరస్ బారినపడిన వారి సంఖ్య మూడుకు చేరింది.