Q2 results: అదరగొట్టిన యెస్ బ్యాంక్, సన్ టీవీ, రిలయన్స్ పవర్.. పెరిగిన లాభాలు.. గత ఏడాదితో పోల్చితే..
YES బ్యాంక్ స్టాక్ ఒక సంవత్సరంలో 15 శాతం, రెండు వారాల్లో స్టాక్ 21.64 శాతం లాభపడింది. ఈరోజు బ్యాంక్ మార్కెట్ క్యాప్ రూ.55,762 కోట్లుగా ఉంది. మణప్పురం ఫైనాన్స్ వడ్డీ ఆదాయం గత ఏడాది ఇదే త్రైమాసికంలో రూ. 1,238.03 కోట్లతో పోలిస్తే ప్రస్తుతం రూ. 1404.94 కోట్లుగా ఉంది.
 )
Followయెస్ బ్యాంక్
జెసి ఫ్లవర్స్ ఎఆర్‌సికి ఎన్‌పిఎ పోర్ట్‌ఫోలియో సేల్ ద్వారా రూ. 120 కోట్లు వచ్చినట్లు చెప్పడంతో ప్రైవేట్ రంగ రుణదాత యస్ బ్యాంక్ లిమిటెడ్ షేర్లు తాజాగా 5% లాభంతో ముగిశాయి. యెస్ బ్యాంక్ సెప్టెంబర్ 2023 త్రైమాసికంలో నికర లాభం రూ. 152.82 కోట్ల నుండి రూ. 225.21 కోట్లకు అంటే 47.4 శాతం పెరిగింది.
యస్ బ్యాంక్ స్టాక్ 5 రోజులు, 10 రోజులు, 20 రోజులు, 50 రోజులు, 100 రోజులు, 150 రోజులు, 200 రోజుల సగటు కంటే ఎక్కువగా ట్రేడవుతోంది. YES బ్యాంక్ స్టాక్ ఒక సంవత్సరంలో 15 శాతం, రెండు వారాల్లో స్టాక్ 21.64 శాతం లాభపడింది. ఈరోజు బ్యాంక్ మార్కెట్ క్యాప్ రూ.55,762 కోట్లుగా ఉంది.
మణప్పురం ఫైనాన్స్
మణప్పురం ఫైనాన్స్ లిమిటెడ్ సెప్టెంబర్ త్రైమాసిక ఫలితాలపై సోమవారం సెషన్ ముగిసే సమయానికి షేర్లు 6 శాతానికి పైగా పెరిగాయి. గత ఏడాది ఇదే త్రైమాసికంలో రూ. 409.49 కోట్లతో పోలిస్తే ఈ త్రైమాసికంలో లాభం ఏడాది ప్రాతిపదికన 36.91 శాతం పెరిగి రూ.560.65 కోట్లకు చేరుకుందని మణప్పురం ఫైనాన్స్ బిఎస్‌ఇకి చేసిన ఫైలింగ్‌లో పేర్కొంది.
మణప్పురం ఫైనాన్స్ వడ్డీ ఆదాయం గత ఏడాది ఇదే త్రైమాసికంలో రూ. 1,238.03 కోట్లతో పోలిస్తే ప్రస్తుతం రూ. 1404.94 కోట్లుగా ఉంది. గత ఏడాది ఇదే త్రైమాసికంలో రూ.1,297.88 కోట్లుగా ఉన్న గోల్డ్ లోన్ సెగ్మెంట్ ఆదాయం ఈ త్రైమాసికంలో రూ.1,537.22 కోట్లుగా ఉంది. మైక్రో ఫైనాన్స్ విభాగం ఆదాయం రూ. 1,416.33 కోట్ల నుండి రూ. 636.80 కోట్లుగా ఉంది.
సన్ టీవీ నెట్‌వర్క్ లిమిటెడ్
క్యూ2 ఫలితాల తర్వాత సోమవారం నాటి ట్రేడింగ్‌లో సన్ టీవీ నెట్‌వర్క్ లిమిటెడ్ షేర్లు దాదాపు 4 శాతం పెరిగాయి. యాడ్-ఆదాయాలు మ్యూట్ చేయబడ్డాయి, అయితే సబ్‌స్క్రిప్షన్ వృద్ధి నిలకడగా ఉందని ఇంకా సినిమా డిస్ట్రిబ్యూషణ్ లో గణనీయమైన పెరుగుదల ఉందని విశ్లేషకులు చెప్పారు. దక్షిణ భారతదేశంలోని మల్టి నాన్-ఫిక్షన్ షోలు, ప్రైమ్‌టైమ్ ఫిక్షన్ షోలలో నిరంతర పెట్టుబడి సన్ టీవీ వ్యువర్స్ ని కొనసాగించడంలో సహాయపడుతుందని విశ్లేషకులు తెలిపారు.
ఫలితాల నేపథ్యంలో బీఎస్ఈలో దీని షేరు 3.56 శాతం పెరిగి రూ.674.45 గరిష్ట స్థాయికి చేరుకుంది. సన్ టీవీ Q2 వృద్ధి నిర్మాణం ZEE ఎంటర్‌టైన్‌మెంట్ ఎంటర్‌ప్రైజెస్‌కు అనుగుణంగా ఉందని JM ఫైనాన్షియల్ తెలిపింది.
రిలయన్స్ పవర్ లిమిటెడ్
సోమవారం నాటి ట్రేడింగ్‌లో రిలయన్స్ పవర్ లిమిటెడ్ షేర్లు ఒక్కసారిగా పెరిగి ఏడాది గరిష్ట స్థాయికి చేరుకున్నాయి. ఈ షేరు 10.60 శాతం పెరిగి 52 వారాల గరిష్ఠ స్థాయి రూ.22.74ను తాకింది.
అధిక రాబడుల కారణంగా సెప్టెంబర్ త్రైమాసికం (క్యూ2 ఎఫ్‌వై24)లో కన్సాలిడేడ్ నెట్ లాస్ రూ.237.76 కోట్లకు తగ్గిందని రిలయన్స్ పవర్ తెలిపింది. గత ఏడాది ఇదే కాలంలో కంపెనీ కన్సాలిడేడ్ నెట్ లాస్ రూ.340.26 కోట్లుగా ఉంది. ఈ త్రైమాసికంలో మొత్తం ఆదాయం 9.55 శాతం పెరిగి రూ.2,130.83 కోట్లకు చేరుకుంది, గత ఏడాది ఇదే కాలంలో రూ.1,945.14 కోట్లుగా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
