వర్షాకాలంలో ఎలక్ట్రిక్ కార్ విషయంలో 4 జాగ్రత్తలు తీసుకోండి..లేకపోతే భారీగా నష్టపోయే ప్రమాదం..
వానాకాలం వచ్చిందంటే చాలు ఎలక్ట్రిక్ వాహనాలు నడిపే వారికి పెద్ద సమస్యలు వచ్చి పడుతుంటాయి. ఎందుకంటే ఎలక్ట్రిక్ వాహనాలకు నీరు ప్రధాన శత్రువు. కాస్త అజాగ్రత్తగా ఉన్న అది భారీ మూల్యం అవుతుంది. వానాకాలంలో ఎలక్ట్రిక్ కార్ విషయంలో తీసుకోవాల్సిన జాగ్రత్తలు తెలుసుకుందాం.
వానాకాలం ప్రారంభం చాలా మంది కారు ఓనర్లకు ఆందోళన కలిగిస్తుంది, ఎందుకంటే రోడ్లు నీటితో నిండిపోవడమే కాకుండా, బేస్‌మెంట్ పార్కింగ్ స్థలాలు, కొన్ని ప్రదేశాలలో కూడా నీరు నిలిచి, చాలా వాహనాలకు నష్టం కలిగిస్తుంది. అయితే, భారతదేశంలో ఎలక్ట్రిక్ కార్ల సంఖ్య వేగంగా పెరుగుతోంది, దీనితో పాటు, వర్షాకాలంలో ఎలక్ట్రిక్ కార్ల యజమానుల ఆందోళన ఇంకా పెరుగుతుంది. మీరు కూడా ఎలక్ట్రిక్ కారును కలిగి ఉంటే, వర్షాకాలంలో మీ EVని సురక్షితంగా, మంచి స్థితిలో ఉంచాలనుకుంటే, మీరు ఇక్కడ ఇవ్వబడిన ఈ నాలుగు సులభమైన చిట్కాలను వాడుదాం.
వర్షాకాలంలో మీ ఎలక్ట్రిక్ కారును సురక్షితంగా ఉంచుకోవడానికి సింపుల్ చిట్కాలు
ఛార్జింగ్ పరికరాలను జాగ్రత్తగా వాడుకోండి..
వర్షాకాలంలో ఎలక్ట్రిక్ వాహనాన్ని నిర్వహించడంలో మొదటి, ప్రధానమైన దశ ఛార్జింగ్ పరికరాలను సురక్షితంగా ఉంచడం. మీరు బయట ఛార్జింగ్ స్టేషన్‌ని సెటప్ చేసి ఉంటే లేదా పోర్టబుల్ ఛార్జర్‌ని ఉపయోగించినట్లయితే ఇది చాలా అవసరం, ఎందుకంటే పరికరంలోని నీరు షార్ట్ సర్క్యూట్‌కు కారణమవుతుంది.
బ్యాటరీ ఆరోగ్యాన్ని తనిఖీ చేయండి
మీ ఎలక్ట్రిక్ కారులో బ్యాటరీ ముఖ్యమైన భాగం కాబట్టి దాని ఆరోగ్యాన్ని జాగ్రత్తగా చూసుకోండి. ఏదైనా ఇన్సులేషన్ లేదా కనెక్టర్ నష్టం కోసం క్రమానుగతంగా తనిఖీ చేయండి. మీరు అసాధారణంగా ఏదైనా గమనించినట్లయితే, కారుని ప్రారంభించకుండా సర్వీస్ సెంటర్ కు కాల్ చేయండి.
ఇంటీరియర్ శుభ్రంగా ఉంచండి
కారు లోపలి భాగం కూడా అంతే ముఖ్యమైనది. కారు లోపల నీరు లేదా తేమ కూడా విద్యుత్ సమస్యలను కలిగిస్తుంది. కాబట్టి లోపలి భాగాన్ని శుభ్రంగా ఉంచండి. తలుపులు, కిటికీలు సరిగ్గా మూసుకుపోతున్నాయాయా లేదా లీక్‌లు లేవని నిర్ధారించుకోండి.
నీటితో నిండిన రోడ్లపై డ్రైవింగ్ చేయడం మానుకోండి
వానా కాలంలో ఎలక్ట్రిక్ కారుతో, రెట్టింపు జాగ్రత్త వహించండి ఎందుకంటే, నీరు అనుకున్నదానికంటే ఎక్కువ నష్టాన్ని కలిగిస్తుంది. EVలు చాలా సున్నితమైన ఎలక్ట్రానిక్స్, సెన్సార్‌లను కలిగి ఉంటాయి, కాబట్టి వాటిని పాడు చేయడం సులభం. అలాగే, మీ బ్యాటరీ ప్యాక్ IP రేటింగ్‌ను తెలుసుకోండి. మీరు రోడ్లపై నీటి ముంపు ఉంటే , మరొక మార్గాన్ని వెళ్లడం ఉత్తమం అని సూచిస్తున్నాము.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
