పాలు, పెరుగు అమ్మకాల రికార్డు.. గత సంవత్సరంతో పోలిస్తే భారీగా పెరిగిన వినియోగం..
కేరళ కో-ఆపరేటివ్ మిల్క్ మార్కెటింగ్ ఫెడరేషన్ ట్రేడ్ పేరు మిల్మా. ఇది రాష్ట్ర ప్రభుత్వానికి చెందిన సహకార సంఘం. అలాగే ఈ ఏడాది ఓనం రోజున పెరుగు విక్రయాలు రికార్డు స్థాయిలో నమోదయ్యాయని మిల్మా తెలిపింది.
కేరళ ప్రభుత్వ యాజమాన్యంలోని పాల సహకార సంస్థ మిల్మా ఈ సంవత్సరం ఓనం పండగ సందర్భంగా పాలు, పెరుగు ఇంకా వాటి ఉత్పత్తులను రికార్డు స్థాయిలో విక్రయించింది. ఈ ఏడాది సెప్టెంబరు 4 నుంచి 7వ తేదీ వరకు ఓనం పండుగను జరుపుకుంటారు. గతేడాదితో పోలిస్తే ఈ ఏడాది పాలు, ఉత్పత్తుల విక్రయాలు భారీగా పెరిగాయి.
మిల్మా ఇచ్చిన సమాచారం ప్రకారం, ఈ కాలంలో మొత్తం 94,59,576 లీటర్ల పాలు అమ్ముడయ్యాయి, ఈ గణాంకాలు గతేడాది ఓనం పండగ కంటే 11.12% ఎక్కువ. సెప్టెంబర్ 8న తిరువోణం నాడు అత్యధికంగా 35,11,740 లీటర్ల పాల విక్రయాలు జరిగాయి. గత ఏడాదితో పోలిస్తే ఈ రోజు పాల విక్రయాలు 7.03% పెరిగాయి.
కేరళ కో-ఆపరేటివ్ మిల్క్ మార్కెటింగ్ ఫెడరేషన్ ట్రేడ్ పేరుని మిల్మా అని పిలుస్తారు. ఇది రాష్ట్ర ప్రభుత్వానికి చెందిన సహకార సంఘం. అలాగే ఈ ఏడాది ఓనం రోజున పెరుగు విక్రయాలు కూడా రికార్డు స్థాయిలో నమోదయ్యాయని మిల్మా తెలిపింది.
మిల్మా చైర్మన్ కెఎస్ మణి మాట్లాడుతూ మా ఉత్పత్తులపై వినియోగదారులకున్న నమ్మకం, కృషి వల్లే ఈ రికార్డును సాధించగలిగామని చెప్పారు. దేశీయంగా పాల ఉత్పత్తి తగ్గినప్పటికీ ఈ లోటును తీర్చేందుకు తమిళనాడు, కర్ణాటక, మహారాష్ట్రలోని పాల మార్కెటింగ్ సంఘాలతో అవసరమైన ఏర్పాట్లు చేశామని కెఎస్ మణి చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
