Akasa Air: స్టాక్ మార్కెట్లో ఏస్ ఇన్వెస్టర్ గా పేరొందిన రాకేష్ జున్ జున్ వాలాకు చెందిన ప్రముఖ విమానయాన సంస్థ ఆకాశ ఎయిర్ అతిత్వరలోనే ప్రారంభం కానుంది. ఈ మేరకు కావాల్సిన అనుమతులను పొందినట్లు సంస్థ సీఈవో వినయ్ దూబే పేర్కొన్నారు.
ప్రముఖ ఇన్వెస్టర్ రాకేష్ ఝున్జున్వాలాకు చెందిన విమానయాన సంస్థ ఆకాశ ఎయిర్ లైన్స్ సేవలు జూన్ నుండి ప్రారంభమయ్యే అవకాశం ఉంది. సంస్థ కార్యకలాపాలను ప్రారంభించడానికి, పౌర విమానయాన మంత్రిత్వ శాఖ, డైరెక్టరేట్ జనరల్ ఆఫ్ సివిల్ ఏవియేషన్ (DGCA) నుండి అవసరమైన అన్ని లైసెన్స్లను పొందడానికి ఆకాశ ఎయిర్ వేగంగా పని చేస్తోంది.
హైదరాబాద్లో జరిగిన ఓ ఎయిర్ షోలో ఆకాశ ఎయిర్ చీఫ్ ఎగ్జిక్యూటివ్ వినయ్ దూబే ఈ విషయాన్ని వెల్లడించారు. అయితే, కంపెనీ మొదట్లో ఏయే నగరాలకు విమానాలను నడుపుతుందో దూబే వెల్లడించలేదు. గతేడాది నవంబర్లోనే ఆకాశ ఎయిర్ 72 బోయింగ్ 737 మ్యాక్స్ జెట్ విమానాలను ఆర్డర్ చేసింది.
NOC వచ్చింది
కంపెనీ ప్రారంభించిన 12 నెలల్లో 18 విమానాలను చేర్చాలని కంపెనీ లక్ష్యంగా పెట్టుకుంది. అలాగే, ఆకాశ ఎయిర్ 5 సంవత్సరాలలో 72 విమానాలను తన ఫ్లీట్లో చేర్చుకుంటుంది. రాబోయే నెలల్లో విమానం మొదటి బ్యాచ్ డెలివరీని పొందాలని కంపెనీ భావిస్తోంది. గత ఏడాది అక్టోబరులో, ఆకాశ మాతృ సంస్థ SNV ఏవియేషన్ ప్రైవేట్ లిమిటెడ్ ప్రభుత్వం నుండి నో అబ్జెక్షన్ సర్టిఫికేట్ (NOC) పొందింది. NOC పొందిన తర్వాత ఎయిర్ ఆపరేటర్ పర్మిట్ (AOP) పొందేందుకు ఒక ఎయిర్లైన్కు సాధారణంగా ఆరు నెలల సమయం పడుతుంది.
జెట్ ఎయిర్వేస్ కూడా త్వరలో పున: ప్రారంభం...
జెట్ ఎయిర్వేస్ విమానాలు త్వరలో ఆకాశంలో ఎగరబోతున్నాయి. ఎయిర్లైన్ కొత్త ప్రమోటర్ జలాన్-కాల్రాక్ కన్సార్టియం ఎయిర్లైన్ను పునరుద్ధరించడానికి తీవ్రంగా కృషి చేస్తోంది. జెట్ ఎయిర్వేస్ యొక్క కొత్త ప్రమోటర్లు భారత ప్రభుత్వ పౌర విమానయాన మంత్రిత్వ శాఖ, డైరెక్టరేట్ జనరల్ ఆఫ్ సివిల్ ఏవియేషన్ (DGCA) సహకారంతో ఈ ఎయిర్లైన్ను పునరుద్ధరించడానికి అన్ని ప్రక్రియలను పూర్తి చేస్తున్నారు.
ముఖ్యంగా, అప్పుల కారణంగా జెట్ ఎయిర్వేస్ ఏప్రిల్ 2019లో మూసివేశారు. భారీ అప్పుల కారణంగా ఎయిర్లైన్ 17 ఏప్రిల్ 2019న మూసివేసింది. కంపెనీ మూతపడగానే 16 విమానాలు మాత్రమే మిగిలాయి. గత ఏడాది సెప్టెంబర్లో, జలాన్-కాల్రాక్ రిజల్యూషన్ కన్సార్టియం 2022 మూడవ-నాల్గవ త్రైమాసికం నుండి చిన్న అంతర్జాతీయ విమానాలను ప్రారంభిస్తుందని తెలిపింది. జెట్ ఎయిర్వేస్ యొక్క కొత్త ప్రమోటర్ అయిన జలాన్ దుబాయ్కి చెందిన భారతీయ-అమెరికన్ వ్యాపారవేత్త అయితే, కాల్రాక్ క్యాపిటల్ మేనేజ్మెంట్ లిమిటెడ్ లండన్కు చెందిన అంతర్జాతీయ సంస్థ. ఈ సంస్థ ఆర్థిక సలహా, ప్రత్యామ్నాయ ఆస్తి నిర్వహణ రంగంలో పని చేస్తోంది.
ఇదిలా ఉంటే ఇఫ్పటికే నష్టాల ఊబిలో ఉన్న ఎయిరిండియాను ఇటీవలే టాటా గ్రూప్ టేకోవర్ చేసిన సంగతి తెలిసిందే. సొంత గూటిలోకి చేరుకున్న ఎయిరిండియా ఇప్పటికే తమ సంస్థకు చెందిన పైలట్లకు, ఇతర సిబ్బందికి కరోనా మహమ్మారి సమయంలో కోత పెట్టిన వేతనాలను, అలవెన్స్లను త్వరలోనే రీఫండ్ చేయనున్నామని ప్రకటించింది. అంతేకాదు వేతన పెంపు కూడా ఉంటుందని చెప్పారు.
గతంలో కింగ్ పిషర్, ఇండియన్ ఎయిర్ లైన్స్, జెట్ ఎయిర్ వేస్ లాంటి సంస్థలు దివాళా తీయడంతో భారత విమానయాన రంగం భవిష్యత్తు అగమ్య గోచరంగా మారింది. కానీ కొత్త సంస్థల ఆగమనంతో పాటు, పాత సంస్థల టేకోవర్ లతో మళ్లీ విమాన యాన రంగానికి మంచి రోజులు వచ్చాయి.
