Asianet News TeluguAsianet News Telugu

Petrol-Diesel Price Today: శనివారం పెట్రోల్, డీజిల్ ధరలు ఇవే, చక చకా చెక్ చేసుకోండి..

చాలా మందికి ప్రతిరోజూ పెట్రోల్ , డీజిల్ ధరలను తనిఖీ చేయడం, వాహనం నడిపే ముందు ఎంత ఇంధనం మిగిలి ఉందో చూసుకోవడం అలవాటు. కేంద్ర ప్రభుత్వం కొన్ని నెలల క్రితం ఇంధనంపై ఎక్సైజ్ సుంకాన్ని తగ్గించిన తర్వాత, దేశంలోని ప్రధాన నగరాల్లో పెట్రోల్, డీజిల్ ధరలు యథాతథంగా ఉన్నాయి. 

Petrol Diesel Price Today
Author
Hyderabad, First Published Aug 13, 2022, 11:04 AM IST

ముడి చమురు ధర బ్యారెల్‌కు 100 డాలర్లకు చేరుకుంది. ముడి చమురు ధరలో హెచ్చుతగ్గులు ఉన్నప్పటికీ అదే సమయంలో భారత మార్కెట్‌లో ఇంధనం ధరలో ఎలాంటి మార్పు లేదు. దేశ రాజధాని ఢిల్లీలో పెట్రోలు ధర లీటరుకు రూ.96.72కు చేరగా, డీజిల్ ధర రూ.89.62కి చేరుకుంది.

హైదరాబాద్‌లో లీటర్ పెట్రోల్ ధర రూ. 109.66  డీజిల్ ధర రూ. 97.82 లీటరు. విజయవాడలో లీటరు పెట్రోల్ ధర రూ. 110.48, డీజిల్ ధర రూ. 98.27 లీటరు.

భారతదేశం ప్రధానంగా పెట్రోల్ మరియు డీజిల్ కోసం ముడి చమురు దిగుమతులపై ఆధారపడి ఉంది. అంతర్జాతీయంగా రోజు రోజు మారుతున్న ముడిచమురు ధరలు దేశీయంగా ఉన్న పెట్రోలు, డీజిల్ ధరలపై అధికంగా ప్రభావం చూపిస్తుంటాయి. అయితే, పెరుగుతున్న డిమాండ్, ప్రభుత్వ పన్నులు, రూపాయి-డాలర్ క్షీణత వంటి ఇతర అంశాలు కూడా దేశీయ ఇంధన ధరలపై ప్రభావం చూపుతాయి. డాలర్ బలపడితే ఎక్కువ డాలర్లు చెల్లించి ముడిచమురు కొనుగోలు చేయాల్సి ఉంటుంది. 

ఇంధన ధరలు ప్రతి రోజు ఉదయం 6 గంటలకు మారుతుంటాయి. దేశంలోని ప్రధాన చమురు సంస్థలు అయిన భారత్ పెట్రోలియం కార్పొరేషన్ లిమిటెడ్ (BPCL), హిందూస్తాన్ పెట్రోలియం కార్పొరేషన్ లిమిటెడ్ (HPCL), ఇండియన్ ఆయిల్ కార్పొరేషన్ లిమిటెడ్ (IOCL) అంతర్జాతీయంగా ఉన్న ముడి చమురు ధరల ఆధారంగా ఇంధన ధరలు నిర్ణయిస్తుంటాయి. అయితే కేంద్ర ప్రభుత్వం ఈ ధరలను నియంత్రిస్తుంది.  

మరోవైపు అంతర్జాతీయ మార్కెట్‌లో ముడిచమురు ధరలు తగ్గుముఖం పట్టాయి. బ్రెంట్ క్రూడ్ మరియు డబ్ల్యుటిఐ క్రూడ్ రెండూ కూడా క్షీణించాయి. బ్రెంట్ క్రూడ్ ఆయిల్ 0.19 శాతం పడిపోయి బ్యారెల్ 97.22 డాలర్ల వద్ద కొనసాగుతోంది. WTI ముడి చమురు రేటు 0.14 శాతం తగ్గి బ్యారెల్‌కు 91.83 డాలర్ల వద్ద ట్రేడవుతోంది. క్రూడాయిల్ ధరలు తగ్గడం భారత్ వంటి ముడిచమురు దిగుమతి చేసుకునే దేశాలకు సానుకూల అంశమని చెప్పవచ్చు.

చాలా కాలంగా పెట్రోల్, డీజిల్ ధరల్లో ఎలాంటి మార్పు లేదు. అంతర్జాతీయ మార్కెట్‌లో ముడిచమురు ధర ఆధారంగా, చమురు మార్కెటింగ్ కంపెనీలు ప్రతిరోజూ పెట్రోల్, డీజిల్ ధరలను సమీక్షించిన తర్వాత ధరలను నిర్ణయిస్తాయి. 

Follow Us:
Download App:
  • android
  • ios