పాకిస్థాన్ అంబానీ మియాన్ ముహమ్మద్ మన్షా భారత్ గురించి ఏమన్నారో తెలిస్తే షాకే..?
పాకిస్తాన్‌లో ఆకలి, పేదరికం, కష్టాలు ఉన్నాయి, కానీ ధనవంతులకు మాత్రం కొరత లేదనే చెప్పాలి. ప్రస్తుతం పాకిస్థాన్ ముఖేష్ అంబానీగా పిలువబడే మియాన్ ముహమ్మద్ మన్షా గురించి తెలుసుకుందాం. ఇతడిని పాకిస్థాన్ కుబేరుడు అని పిలుస్తారు. మియాన్ ముహమ్మద్ మన్షా నేడు పాకిస్థాన్‌లో అత్యంత ధనవంతుడు. పాకిస్థాన్‌లో అగ్రశ్రేణి పారిశ్రామికవేత్తగా ఉన్నారు. ఆయన తాజాగా భారత్ గురించి ఆసక్తికరమైన వ్యాఖ్యలు చేశారు.
Followపాకిస్థాన్ ప్రస్తుతం భారీ ఆర్థిక సంక్షోభాన్ని ఎదుర్కొంటోంది. ఇక్కడ డాలర్‌తో పోలిస్తే రూపాయి చాలా పడిపోయింది. పాకిస్థాన్‌లో ఒక్క డాలర్ ధర రూ.250కి చేరుకోగా, లీటర్ పెట్రోల్ రూ.249కి చేరుకుంది. అయితే ఈ పరిస్థితులు ఉన్నప్పటికీ పాకిస్థాన్‌లోని మియాన్ ముహమ్మద్ మన్షా ఒక ఆశాకిరణంగా ఆ దేశ ప్రజలకు నిలిచారు. ఆయనను పాకిస్థాన్‌కు చెందిన ముఖేష్ అంబానీని తరచుగా పిలుస్తారు.
మియాన్ ముహమ్మద్ మన్షా ఎవరు?
మియాన్ ముహమ్మద్ మన్షా తండ్రి వ్యాపారవేత్త. తండ్రికి కాటన్ బట్టల వ్యాపారం. మియాన్ ముహమ్మద్ లండన్ నుండి గ్రాడ్యుయేట్. ప్రస్తుతం, నిషాత్ టెక్స్‌టైల్స్ మిల్స్ పరిశ్రమ యజమానిగా ప్రసిద్ధి చెందాడు. బ్యాంకింగ్, బీమా, సిమెంట్, ఇంధన వ్యాపారంలో కూడా ఆయన తన సామ్రాజ్యాన్ని విస్తరించాడు. మాన్షా కుటుంబ సభ్యులు పాకిస్తాన్‌లో అతిపెద్ద పన్ను చెల్లింపుదారులు. ఆయనకు లండన్‌లో చాలా ఖరీదైన ఆస్తులున్నాయి.
ఫోర్బ్స్ జాబితాలో మన్షా
2005 సంవత్సరంలో తొలి సారి మియాన్ ముహమ్మద్ మన్షా పేరు పాకిస్తాన్ ధనిక వ్యాపారవేత్తగా ఉద్భవించారు. 2010 సంవత్సరంలో, ఫోర్బ్స్ ప్రపంచంలోని అత్యంత సంపన్నుల జాబితాలో చోటు సంపాదించారు. అప్పుడు మియాన్ పేరు 937వ స్థానంలో ఉంది.
మన్షా గ్రూప్‌కు చెందిన కంపెనీలలో ఆడమ్‌జీ ఇన్సూరెన్స్ లిమిటెడ్, డి జి ఖాన్ సిమెంట్, నిషాత్ చునియన్, నిషాత్ ఆటోమొబైల్, లాల్ పీర్ పవర్ ఉన్నాయి. 2008లో, మన్షా మేబ్యాంక్ ఆఫ్ మలేషియాను ప్రారంభించి, ఆపై MCB బ్యాంక్‌ను ప్రారంభించారు. ఆయన ప్రస్తుత నికర విలువ 5 బిలియన్ డాలర్లు.
మియాన్ మన్షాకు లండన్‌లో ఆస్తులు కూడా ఉన్నాయి. దీనితో పాటు, అతను మెర్సిడెస్ E-క్లాస్, జాగ్వార్ కన్వర్టిబుల్, పోర్షే, BMW 750, రేంజ్ రోవర్, ఫోక్స్‌వ్యాగన్‌తో సహా అనేక విలాసవంతమైన కార్లను కూడా కలిగి ఉన్నాడు. అతను అత్యంత ధనిక పాకిస్థానీ కాబట్టి, అతన్ని పాకిస్తాన్ అంబానీ అని పిలుస్తారు.
భారతదేశంతో సంబంధం
మియాన్ మొహమ్మద్ మన్షా 1947 సంవత్సరంలో జన్మించాడు. స్వతంత్రానికి ముందు, అతని కుటుంబం అవిభక్త భారతదేశంలోని కోల్‌కతాకు చెందినది. విభజన తర్వాత అతని కుటుంబం పాకిస్థాన్‌లోని పంజాబ్‌కు వెళ్లి అక్కడ మిల్లును ప్రారంభించింది. ఇక్కడి నుంచి ఆయన అంచలంచలుగా ఎదిగి వ్యాపార సామ్రాజ్యాన్ని నిర్మించారు.
భారత్ పై మియాన్ ముహమ్మద్ మన్షా ప్రశంసలు
భారతదేశం, పాకిస్తాన్ ఒకే సమయంలో బ్రిటిష్ వారి నుండి స్వాతంత్రం పొందాయి. అయినప్పటికీ, ఈ రోజు రెండు దేశాల పరిస్థితి ఒకదానికొకటి విరుద్ధంగా ఉంది. భారతదేశం ప్రపంచంలోని ఐదవ అతిపెద్ద ఆర్థిక వ్యవస్థగా ఎదగగా, పాకిస్తాన్ దివాళా స్థాయికి పడిపోతుంది. సంక్షోభం నుండి బయటపడటానికి అంతర్జాతీయ ద్రవ్యనిధి కోసం వేచి చూసే పరిస్థితి ఉంది. సంక్షోభంలో ఉన్న దేశంలో పెట్టుబడులు పెట్టడానికి బహుళజాతి కంపెనీలు ఆసక్తి చూపవు. గ్లోబల్ ఫోరమ్‌లో భారతదేశానికి ప్రపంచంలో ప్రతిచోటా గౌరవం లభిస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
