ఒక వార్తా సంస్థ ప్రకారం, పర్సనల్ కంప్యూటర్ మార్కెట్లో అనేక త్రైమాసికాల క్షీణత Windows అండ్ డివైజెస్ అమ్మకాలను దెబ్బతీసిన తర్వాత మైక్రోసాఫ్ట్ క్లౌడ్ యూనిట్ అజూర్లో వృద్ధిని కొనసాగించడానికి ఒత్తిడిలో ఉంది. అదే సమయంలో కంపెనీ గత ఏడాది జూలైలో కూడా కొంతమంది ఉద్యోగులను తొలగించింది.
ప్రపంచంలోనే నంబర్ వన్ సాఫ్ట్వేర్ కంపెనీ మైక్రోసాఫ్ట్ నేడు వేలాది మంది ఉద్యోగులను తొలగించబోతోంది. ఒక వార్తా సంస్థ దీనికి సంబంధించి సమాచారాన్ని ఇచ్చింది. నివేదిక ప్రకారం, మైక్రోసాఫ్ట్ ఉద్యోగులలో ఐదు శాతం లేదా 11,000 మంది ఉద్యోగులను తొలగించనుంది.
వేలాది మంది ఉద్యోగులు
మైక్రోసాఫ్ట్లో ఈ రిట్రెంచ్మెంట్ హ్యూమన్ రిసోర్సెస్, ఇంజనీరింగ్ విభాగాల్లో ఎక్కువగా ఉంటుంది. సంస్థ ఈ ప్రకటనతో వేలాది మంది ఉద్యోగులు ప్రభావితం కానున్నారు. యుఎస్ టెక్నాలజీ రంగంలో ఈ లేఆఫ్లు తాజాగా ఉంటాయి. డిమాండ్ మందగించడం, క్షీణిస్తున్న ప్రపంచ ఆర్థిక దృక్పథానికి ప్రతిస్పందనగా అమెజాన్, మెటాతో సహా అనేక టెక్ కంపెనీలు కూడా ఇంతకుముందు ఉద్యోగులను తొలగించాయి. జూన్ 30 నాటికి, మైక్రోసాఫ్ట్లో 2,21,000 మంది ఫుల్ టైం ఉద్యోగులు ఉన్నారు, ఇందులో యునైటెడ్ స్టేట్స్లో 1,22,000 మంది, అంతర్జాతీయంగా 99,000 మంది ఉన్నారు.
ఒక వార్తా సంస్థ ప్రకారం, పర్సనల్ కంప్యూటర్ మార్కెట్లో అనేక త్రైమాసికాల క్షీణత Windows అండ్ డివైజెస్ అమ్మకాలను దెబ్బతీసిన తర్వాత మైక్రోసాఫ్ట్ క్లౌడ్ యూనిట్ అజూర్లో వృద్ధిని కొనసాగించడానికి ఒత్తిడిలో ఉంది. అదే సమయంలో కంపెనీ గత ఏడాది జూలైలో కూడా కొంతమంది ఉద్యోగులను తొలగించింది. అక్టోబర్లో, మైక్రోసాఫ్ట్ పలు విభాగాల్లో దాదాపు 1,000 మంది ఉద్యోగులను తొలగించిందని మరో వార్తా సంస్థ నివేదించింది.
టెక్నాలజి రంగంలో ఉద్యోగాల కొరత
మైక్రోసాఫ్ట్ ఈ చర్యతో టెక్నాలజి రంగంలో ఉద్యోగాల కొత కొనసాగవచ్చని సూచించవచ్చు. మైక్రోసాఫ్ట్ సవాళ్లతో కూడిన ఆర్థిక వ్యవస్థను ఎదుర్కొంటున్న తాజా పెద్ద టెక్ కంపెనీ.
అంతేకాదు ఫోటో అండ్ వీడియో షేరింగ్ యాప్ స్నాప్ చాట్ కూడా 1200 మంది ఉద్యోగులను తొలగించింది. మైక్రో బ్లాగ్గింగ్ సైట్ ట్విట్టర్ను బిలియనీర్ ఎలోన్ మస్క్ అక్టోబర్లో కొనుగోలు చేశాక ట్విట్టర్ 7,500 మంది ఉద్యోగుల్లో సగం మందిని తొలగించింది.
