Asianet News TeluguAsianet News Telugu

పడిపోతున్న ఫేస్ బుక్ సి‌ఈ‌ఓ సంపద.. టాప్ 10 బిలియనిర్స్ లిస్ట్ నుండి ఔట్..

38 ఏళ్ల మార్క్ జుకర్‌బర్గ్ రెండేళ్ల కిందటి వరకు సుమారు $106 బిలియన్లతో ప్రపంచ బిలియనీర్ల జాబితాలో జెఫ్ బెజోస్, బిల్ గేట్స్ తరువాత ఉన్నారు. సెప్టెంబర్ 2021లో అతని సంపద $142 బిలియన్ల గరిష్ట స్థాయికి చేరుకుంది. 

Mark Zuckerberg's wealth decreased by $ 71 billion had to step into the world of Metaverse
Author
First Published Sep 20, 2022, 4:49 PM IST

అమెరికాలోని దాదాపు ప్రతి బిలియనీర్‌కు ఈ సంవత్సరం కష్టతరమైనది. మెటా ప్లాట్‌ఫారమ్‌ సి‌ఈ‌ఓ మార్క్ జుకర్‌బర్గ్ సంపదను దాదాపు సగానికి పడిపోయింది. ఈ ఏడాది ఆయన సంపద దాదాపు 71 బిలియన్ డాలర్లు క్షీణించింది. బ్లూమ్‌బెర్గ్ బిలియనీర్స్ ఇండెక్స్ ద్వారా ట్రాక్ చేసిన అల్ట్రా-రిచ్ కేటగిరీలో అతని సంపద  పడిపోయింది. ప్రస్తుతం $55.9 బిలియన్లతో బిలియనీర్ల జాబితాలో 20వ స్థానంలో మార్క్ జుకర్‌బర్గ్ ఉన్నారు. 

రెండేళ్ల క్రితం జుకర్‌బర్గ్ సంపద
38 ఏళ్ల మార్క్ జుకర్‌బర్గ్ రెండేళ్ల కిందటి వరకు సుమారు $106 బిలియన్లతో ప్రపంచ బిలియనీర్ల జాబితాలో జెఫ్ బెజోస్, బిల్ గేట్స్ తరువాత ఉన్నారు. సెప్టెంబర్ 2021లో అతని సంపద $142 బిలియన్ల గరిష్ట స్థాయికి చేరుకుంది. ఆ సమయంలో అతని కంపెనీ షేర్ల ధర 382 డాలర్లకు చేరుకుంది. తరువాత నెలలో మార్క్  జుకర్‌బర్గ్ మెటాను ప్రారంభించాడు, కంపెనీ పేరును ఫేస్‌బుక్ నుండి మెటా ప్లాట్‌ఫారమ్‌లుగా మార్చాడు. ఇక్కడి నుంచి కంపెనీకి గడ్డు రోజులు మొదలయ్యాయి అలాగే మార్కెట్లో కంపెనీ పేలవమైన పనితీరు కొనసాగుతోంది. ప్రస్తుతం, ఈ కంపెనీ ప్రపంచ మార్కెట్‌లో తన స్థానాన్ని నిలబెట్టుకోవడానికి కష్టపడుతున్నట్లు కనిపిస్తోంది.

ఫిబ్రవరి నుంచి ఫేస్‌బుక్‌ యూజర్ల సంఖ్య 
కంపెనీ తాజా ఆదాయ రిపోర్ట్ నిరాశపరిచింది. ఫిబ్రవరి నుంచి కంపెనీ ప్రతినెల ఫేస్‌బుక్ వినియోగదారుల సంఖ్య పెరగలేదు. కంపెనీ షేర్లు కూడా చరిత్రాత్మక పతనాన్ని చవిచూశాయి. దీని తర్వాత మార్క్ జుకర్‌బర్గ్ సంపద ఒక్క రోజులో 31 బిలియన్ డాలర్లు పడిపోయింది, ఇది ఒకరోజు సంపదలో అతిపెద్ద పతనం.  

మెటావర్స్‌లో పెట్టుబడులు
నీధమ్ & కంపెనీలో సీనియర్ ఇంటర్నెట్ అనలిస్ట్ లారా మార్టిన్ ప్రకారం, మెటావర్స్‌లో కంపెనీ పెట్టుబడి దాని స్టాక్ ధరలను తగ్గిస్తోంది. ఈ ప్రాజెక్ట్ కారణంగా రాబోయే మూడు నుండి ఐదు సంవత్సరాలలో కంపెనీ "గణనీయమైన" డబ్బును కోల్పోతుందని తాను భయపడుతున్నట్లు మార్క్ జుకర్‌బర్గ్ స్వయంగా చెప్పారు.
 

Follow Us:
Download App:
  • android
  • ios