India's first flying taxi: భారతదేశపు మొట్టమొదటి ఫ్లయింగ్ టాక్సీ త్వరలోనే రానుంది. గ్లోబల్ ఎక్స్పోలో 'ప్రోటోటైప్ ఎయిర్ టాక్సీ శూన్యాను ఆవిష్కరించారు.
India's first flying taxi : భారతదేశంలో పట్టణ రవాణాలో విప్లవాత్మక మార్పులు తీసుకురావడానికి 2028 నాటికి బెంగుళూరులో ఎలక్ట్రిక్ ఫ్లయింగ్ ట్యాక్సీలను ప్రవేశపెట్టాలనే దాని ప్రణాళికల మధ్య ఏరోస్పేస్ స్టార్టప్ సరళా ఏవియేషన్ తన ప్రోటోటైప్ ఎయిర్ టాక్సీ, శూన్యాను భారత్ మొబిలిటీ గ్లోబల్ ఎక్స్పోలో ఆవిష్కరించింది.
ఆటో ఎక్స్ పో అనేది భారతదేశంలో ద్వైవార్షిక ఆటో షో, ఇది ఆటోమోటివ్ పరిశ్రమలోని కొత్త ఉత్పత్తులు, సాంకేతికతలులను ప్రదర్శిస్తుంది. ఇది ప్రపంచంలోని అతిపెద్ద ఆటో షోలలో ఒకటిగా గుర్తింపు పొందింది.
త్వరలోనే ఎయిర్ టాక్సీలు
ఎయిర్ ట్యాక్సీల కలను సాకారం చేయడానికి, భారతదేశంలో పట్టణ ప్రయాణంలో విప్లవాత్మక మార్పులు తీసుకురావడానికి దేశంలోని మొట్టమొదటి ఫ్లయింగ్ టాక్సీ నమూనా 'శూన్య', ఇక్కడ 'భారత్ మొబిలిటీ గ్లోబల్ ఎక్స్పో 2025'లో ఆవిష్కరించారు.
ఈ ప్రాజెక్ట్కి ప్రముఖ సంస్థ సోనా స్పీడ్ నాయకత్వం వహిస్తుంది. ఈ విజన్ని నిజం చేసేందుకు బెంగళూరుకు చెందిన సరళా ఏవియేషన్తో అవగాహన ఒప్పందం (ఎంఓయు)పై సంతకం చేసింది. భారతదేశ అత్యంత అధునాతన ఎలక్ట్రిక్ వర్టికల్ టేకాఫ్, ల్యాండింగ్ (eVTOL) విమానాలను అభివృద్ధి చేయడంలో సరళ ఏవియేషన్ ముందంజలో ఉంది.
కేంద్ర భారీ పరిశ్రమలు అండ్ ఉక్కు శాఖ మంత్రి హెచ్డి కుమారస్వామి ఎక్స్పోలో సరళ ఏవియేషన్ బూత్ను సందర్శించారు. దేశంలో సుస్థిరమైన, భవిష్యత్తు చైతన్యాన్ని సాధించేందుకు ఇది ఒక కీలకమైన దశగా గుర్తించి, ఫ్లయింగ్ టాక్సీ నమూనాపై మంత్రి తన కామెంట్స్ తో మరింత ఆసక్తిని పెంచారు.
సరళా ఏవియేషన్తో సోనా స్పీడ్ సహకారం పట్టణ ప్లయింగ్ టాక్సీ ఆవిష్కరణ వైపు ఒక ప్రధాన పుష్ని సూచిస్తుంది. అనేక ఇండియన్ స్పేస్ రీసెర్చ్ ఆర్గనైజేషన్ (ఇస్రో) స్పేస్ మిషన్లకు తన సహకారం అందించిన సోనా స్పీడ్ ఇప్పుడు eVTOL ఎయిర్క్రాఫ్ట్ కోసం భాగాలను అభివృద్ధి చేయడంలో కీలక పాత్ర పోషిస్తుంది.
సోనా స్పీడ్ CEO చోకో వల్లియప్ప మాట్లాడుతూ.. "ఏరోస్పేస్ ఆవిష్కరణలకు కేంద్రంగా సోనా స్పీడ్ పరిణామంలో ఈ భాగస్వామ్యం ఒక ముఖ్యమైన దశ. పట్టణ రవాణా కోసం పరిశుభ్రమైన, వేగవంతమైన, మరింత సమర్థవంతమైన భవిష్యత్తును రూపొందించాలని మేము లక్ష్యంగా పెట్టుకున్నామని" తెలిపారు.
