లోన్ తీసుకునే వారికి షాకింగ్ న్యూస్.. వడ్డీ రేట్లు పెంపు.. ఎప్పటి నుంచి అంటే ?
హెచ్‌డిఎఫ్‌సి బ్యాంక్ ఈ పెంపు తర్వాత రుణ రేట్లు 8.70 నుండి 9.8 శాతానికి చేరుకున్నాయి. బ్యాంక్ వెబ్‌సైట్ నుండి అందిన సమాచారం ప్రకారం, హెచ్‌డిఎఫ్‌సి బ్యాంక్ అండ్ హెచ్‌డిఎఫ్‌సి విలీనం కారణంగా హోం లోన్ రేట్లలో మార్పు జరిగింది.
కొత్త ఆర్థిక సంవత్సరం ప్రారంభానికి ముందు, కస్టమర్ల హోం లోన్లపై వడ్డీ రేటును పెంచాలని ప్రముఖ బ్యాంక్ హెచ్‌డిఎఫ్‌సి నిర్ణయించింది. దింతో హెచ్‌డిఎఫ్‌సి బ్యాంక్ రెపో-లింక్డ్ హోమ్ లోన్లపై వడ్డీ రేట్లు 10-15 బేసిస్ పాయింట్లు పెరిగింది. ఈ చర్యతో అతిపెద్ద ప్రైవేట్ రంగ బ్యాంక్ అయిన హెచ్‌డిఎఫ్‌సి బ్యాంక్ కస్టమర్లకు పెద్ద షాక్ ఇచ్చింది.
హెచ్‌డిఎఫ్‌సి బ్యాంక్ ఈ పెంపు తర్వాత రుణ రేట్లు 8.70 నుండి 9.8 శాతానికి చేరుకున్నాయి. బ్యాంక్ వెబ్‌సైట్ నుండి అందిన సమాచారం ప్రకారం, హెచ్‌డిఎఫ్‌సి బ్యాంక్ అండ్ హెచ్‌డిఎఫ్‌సి విలీనం కారణంగా హోం లోన్ రేట్లలో మార్పు జరిగింది, ఇది ఇకపై రిటైల్ ప్రైమ్ లెండింగ్ రేట్ (ఆర్‌పిఎల్‌ఆర్)కి లింక్ చేయబడదు.
మీ అకౌంట్కు వర్తించే వడ్డీ రేటు ఇప్పుడు రిటైల్ ప్రైమ్ లెండింగ్ రేట్ (RPLR)కి బదులుగా EBLR (ఎక్స్‌టర్నల్ బెంచ్‌మార్క్ లెండింగ్ రేట్)కి లింక్ చేయబడుతుంది. ఇది ఫ్లోటింగ్ వడ్డీ రేట్లపై రెగ్యులేటరీ మార్గదర్శకాలకు అనుగుణంగా ఉంటుంది. ROI పోస్ట్ మెర్జర్లో ఎటువంటి మార్పు ఉండదు ఇంకా భవిష్యత్ మార్పులు EBLR ఆధారంగా ఉంటాయి. కొత్త రెపో లింక్డ్ వడ్డీ రేటు కొత్త కస్టమర్లకు వర్తిస్తుందని బ్యాంక్ స్పష్టం చేసింది. పాత కస్టమర్లు RPLRతో కొనసాగవచ్చు.
ఎక్స్‌టర్నల్ బెంచ్‌మార్క్ లెండింగ్ రేట్లు RBI రెపో రేటుతో అనుసంధానించబడి ఉంటాయి. ప్రస్తుతం రెపో రేటు 6.50 శాతంగా ఉంది. రెపో రేటు అనేది రిజర్వ్ బ్యాంక్ ఆఫ్ ఇండియా (RBI) వాణిజ్య బ్యాంకులకు డబ్బు ఇచ్చే వడ్డీ రేటు. దీని ఆధారంగా లోన్ తీసుకునే వారి EMI నిర్ణయించబడుతుంది.
ICICI బ్యాంక్ హోమ్ లోన్ రేట్లు 9 శాతం నుండి 10.05 శాతం వరకు ఉంటాయి. స్టేట్ బ్యాంక్ ఆఫ్ ఇండియా హోమ్ లోన్ రేట్లు 9.15 శాతం నుండి గరిష్టంగా 10.05 శాతం వరకు ఉంటాయి. మరోవైపు, యాక్సిస్ బ్యాంక్ కస్టమర్లకు 8.75 నుండి 9.65 శాతం వరకు గృహ రుణాలను అందిస్తోంది. ఇక కోటక్ మహీంద్రా బ్యాంక్ కస్టమర్లకు 8.70 శాతంతో హోమ్ లోన్ రేట్లు అందిస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
