యాపిల్ ఐఫోన్ కంపెనీకి చుక్కలు చూపించిన బ్రెజిల్ న్యాయస్థానం, చార్జర్ లేకుండా ఫోన్ అమ్మినందుకు భారీ జరిమానా..
చార్జర్ లేకుండా ఫోన్ అమ్ముతున్న యాపిల్ కంపెనీ కి ఎదురు దెబ్బ తగిలింది. బ్రెజిల్ న్యాయస్థానం చార్జర్ లేకుండా ఫోన్ అమ్మడాన్ని సీరియస్ గా తీసుకుంది. అంతేకాదు, చార్జర్ లేని ఫోన్ ను ఒక అసంపూర్ణ ఉత్పత్తిగా భావించిన న్యాయస్థానం కంపెనీపై ఏకంగా రూ.164 కోట్ల జరిమానా విధించింది.
 )
Followమొబైల్ ఫోన్‌తో ఛార్జర్ ఇవ్వకపోవడం మెల్లమెల్లగా పరిపాటిగా మారుతోంది. ఐఫోన్‌ను తయారు చేస్తున్న ప్రపంచ దిగ్గజం యాపిల్ ఈ సంప్రదాయం ప్రారంభించింది. క్రమంగా మరిన్ని కంపెనీలు ఇదే బాటలో నడిచేందుకు ప్రయత్నిస్తున్నాయి. అయితే ఐఫోన్ తో ఛార్జర్ ఇవ్వకపోవడం వల్ల యాపిల్ కంపెనీకి భారీగా నష్టం వాటిల్లింది. బ్రెజిల్‌లో కస్టమర్‌కు ఛార్జర్ లేకుండా ఐఫోన్ ఇచ్చిన కేసులో కంపెనీ 20 మిలియన్ డాలర్లు (దాదాపు రూ. 164 కోట్లు) జరిమానా చెల్లించాల్సి వచ్చింది.
మొబైల్‌తో ఛార్జర్ ఇవ్వనందుకు న్యాయస్థానంలో యాపిల్ కు మొట్టికాయలు:
ఫోన్ తో పాటు చార్జర్ ఇవ్వనందుకు ఈ కేసులో బ్రెజిలియన్ కోర్టు న్యాయమూర్తి యాపిల్ కంపెనీకి జరిమానా విధించారు - ఆపిల్ ఈ మద్యకాలంలో ఐఫోన్‌తో ఛార్జర్‌ను అందించకుండా ప్రత్యేక ఉత్పత్తిని కొనుగోలు చేయమని వినియోగదారులను బలవంతం చేసింది. దీంతో బ్రెజిల్ న్యాయస్థానం మొట్టికాయలు వేసింది.
సెప్టెంబర్ 2022లో, బ్రెజిల్ న్యాయ మంత్రిత్వ శాఖ యాపిల్ పై 2.5 మిలియన్ (రూ. 20 కోట్లు) జరిమానా విధించింది. అక్టోబర్ 2020 నుంచి Apple iPhone 12 మొబైల్‌తో ఛార్జర్‌ను అందించడం ఆపివేసింది. అయితే దీనిపై ఫ్రాన్స్‌లో ఆపిల్‌కు కూడా ఇదే విధంగా జరిమానా విధించారు.
సెప్టెంబర్ 2022లో, ఐఫోన్ 14 లాంచ్‌కు ముందే, బ్రెజిల్ ప్రభుత్వం కంపెనీపై 20 కోట్ల రూపాయల జరిమానా విధించినప్పుడు ఆపిల్ పెద్ద ఎదురుదెబ్బ తగిలింది. అంతే కాదు ఆ కంపెనీపై ఆగ్రహం వ్యక్తం చేసిన బ్రెజిల్ దేశం మొత్తం మీద ఛార్జర్ లేకుండా ఐఫోన్ అమ్మకాలను కూడా నిషేధించింది. వాస్తవానికి, జరిమానా విధించడంతో పాటు, ఛార్జర్ లేకుండా ఐఫోన్‌ను అసంపూర్ణ ఉత్పత్తిగా అభివర్ణిస్తూ బ్రెజిల్ ప్రభుత్వం పూర్తిగా నిషేధించింది.
2024 చివరి నాటికి, అన్ని పరికరాలకు ఒకే ఛార్జర్ ఇవ్వాల్సి ఉంది, ఇది టైప్-సి పోర్ట్ అని యూరోపియన్ యూనియన్ గత వారం చెప్పింది. ఈ నిర్ణయం వల్ల ఆపిల్ అతిపెద్ద నష్టాన్ని చవిచూడనుంది, ఎందుకంటే దీని కారణంగా, ఆపిల్ తన అన్ని ఉత్పత్తుల రూపకల్పనలో మార్పులు చేయవలసి ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
