Asianet News TeluguAsianet News Telugu

వచ్చే నెలలో కేంద్ర బడ్జెట్‌.. ? వరుసగా 7వ సారి బడ్జెట్ పెట్టనున్న నిర్మలమ్మ..

18వ లోక్‌సభ మొదటి సెషన్‌ను జూన్ 24 నుండి జూలై 3 వరకు నిర్వహించనున్నట్లు ప్రకటించారు. ఈ సమావేశాల పరంపరలో కొత్తగా ఎన్నికైన లోక్ సభ సభ్యుల ప్రమాణ స్వీకారం, లోక్ సభ స్పీకర్ ఎన్నిక, రాష్ట్రపతి ప్రసంగం, వాటిపై చర్చలు జరగనున్నాయి.

Central budget presentation in July? Nirmala Sitharaman will present the budget for the 7th time!-sak
Author
First Published Jun 13, 2024, 8:11 PM IST

పార్లమెంటరీ లోక్‌సభ ఎన్నికల్లో ఏ పార్టీకి మెజారిటీ రాకపోవడంతో బీజేపీ నేతృత్వంలోని నేషనల్ డెమోక్రటిక్ అలయన్స్ దాని మిత్రపక్షాల మద్దతుతో మరోసారి కేంద్రంలో ప్రభుత్వాన్ని ఏర్పాటు చేసింది. దింతో నరేంద్ర మోదీ వరుసగా 3వ సారి ప్రధానిగా ప్రమాణ స్వీకారం చేశారు. ఆయనతో పాటు 71 మంది మంత్రులు కూడా ప్రమాణ  స్వీకారం చేశారు అలాగే మంత్రులుగా వారి సంబంధిత కార్యాలయాల బాధ్యతలను స్వీకరించారు.

అయితే 18వ లోక్‌సభ మొదటి సెషన్‌ను జూన్ 24 నుండి జూలై 3 వరకు నిర్వహించనున్నట్లు ప్రకటించారు. ఈ సమావేశాల పరంపరలో కొత్తగా ఎన్నికైన లోక్ సభ సభ్యుల ప్రమాణ స్వీకారం, లోక్ సభ స్పీకర్ ఎన్నిక, రాష్ట్రపతి ప్రసంగం, వాటిపై చర్చలు జరగనున్నాయి. ఈ విషయాన్ని పార్లమెంటరీ వ్యవహారాల మంత్రి కిరణ్ రిజిజు ప్రకటించారు.

పార్లమెంటు సమావేశాల షెడ్యూల్ ప్రకారం, సెషన్ నిరవధికంగా వాయిదా వేయబడదని, 2024-2025 ఆర్థిక సంవత్సరానికి బడ్జెట్ సమర్పణ కోసం పార్లమెంట్ సెషన్ రెండవ భాగం తిరిగి ప్రారంభమవుతుంది.

ప్రతి సంవత్సరం ఫిబ్రవరి నెలలో కేంద్ర బడ్జెట్‌ను సమర్పిస్తారు. ఇది ఏప్రిల్ 1 నుండి మార్చి 31 వరకు వచ్చే ఆర్థిక సంవత్సరానికి పూర్తి ఆర్థిక నివేదికగా పనిచేస్తుంది. అయితే, ఈ ఏడాది లోక్‌సభ ఎన్నికలు జరగనున్నందున, ఫిబ్రవరి 1న కేంద్ర ఆర్థిక మంత్రి నిర్మలా సీతారామన్ మధ్యంతర బడ్జెట్‌ను ప్రవేశపెట్టారు.

అందువల్ల, కొత్త ప్రభుత్వం ఏర్పడిన తర్వాత 2024-25 ఆర్థిక సంవత్సరానికి పూర్తి బడ్జెట్‌ను సమర్పించాల్సి ఉంది. నివేదికల ప్రకారం, 2024-25 ఆర్థిక సంవత్సరానికి పూర్తి బడ్జెట్‌ను జూలై మధ్యలో సమర్పించే అవకాశం ఉంది. ఆర్థిక మంత్రిత్వ శాఖ జూన్ 17 నాటికి వివిధ మంత్రిత్వ శాఖలు అలాగే  ప్రీ-బడ్జెట్ సంప్రదింపులను ప్రారంభిస్తుందని సంబంధిత వర్గాలు తెలిపాయి. రానున్న బడ్జెట్ వివరాలను కేంద్ర ప్రభుత్వం వెల్లడించలేదు. అయితే, ఇందులో ఆర్‌బీఐ డివిడెండ్ వినియోగానికి సంబంధించిన రూ.2.11 ట్రిలియన్ల వివరాలను పొందుపరచాలని భావిస్తున్నారు.

పార్లమెంట్ బడ్జెట్ సమావేశాలు 2023-24 ఆర్థిక సంవత్సరానికి సంబంధించిన ఆర్థిక సర్వేతో ప్రారంభమయ్యే అవకాశం ఉంది, ఆ తర్వాత ఆర్థిక మంత్రి నిర్మలా సీతారామన్ 2024-25 ఆర్థిక సంవత్సరానికి పూర్తి కేంద్ర బడ్జెట్‌ను సమర్పించనున్నారు. ప్రధాని మోదీ హయాంలో ఆర్థిక మంత్రి నిర్మలా సీతారామన్ ఆరుసార్లు బడ్జెట్‌ను ప్రవేశపెట్టారు. ఇప్పుడు  వరుసగా 7వ సారి కేంద్ర బడ్జెట్‌ను ప్రవేశపెట్టనున్నారు. కేంద్ర ప్రభుత్వ ఆర్థిక మంత్రి నిర్మలా సీతారామన్ దేశ ఆర్థిక వ్యవస్థను వృద్ధి బాటలో కొనసాగించడం, సంకీర్ణ పార్టీల ఆర్థిక డిమాండ్‌లతో సహా పలు సవాళ్లను ఎదుర్కోవడం గమనార్హం.

Latest Videos
Follow Us:
Download App:
  • android
  • ios