టాటా గ్రూపునకు చెందిన ఎయిర్ ఇండియా 250 ఎయిర్బస్ విమానాలు, 220 బోయింగ్ విమానాలను కొనుగోలు చేయనున్నట్లు ప్రకటించింది. దీంతో ప్రపంచ విమానయాన చరిత్రలో ఇది అతిపెద్ద విమానాల కొనుగోలు ఒప్పందంగా నిలిచిపోనుంది. ఈ ఒప్పందం ద్వారా భారత్ లో విమానయాన రంగం కొత్త రెక్కలతో ఎగరనుంది.
టాటా గ్రూపునకు చెందిన ఎయిర్ ఇండియా 250 ఎయిర్ బస్ విమానాలు, 220 బోయింగ్ విమానాలను కొనుగోలు చేయనున్నట్లు ప్రకటించింది. ప్రపంచ విమానయాన చరిత్రలో ఇదే అతిపెద్ద విమానాల కొనుగోలు ఒప్పందం. మొత్తం కొనుగోళ్ల విలువ 11 లక్షల కోట్లు కావడం గమనార్హం, ఇందులో ఫ్రాన్స్కు చెందిన ఎయిర్బస్కు 8.2 లక్షల కోట్లు. అమెరికా బోయింగ్కు ఎయిర్ ఇండియా 2.7 లక్షల కోట్లను టాటా గ్రూపు చెల్లించనుంది.
ఒప్పందం వివరాలు ఇవే..
ఎయిర్బస్:
A350: 300 నుండి 410 మంది ప్రయాణికులతో మొత్తం 40 విమానాల కొనుగోలు
A320: 190-ప్రయాణికుల సామర్థ్యంతో 210 విమానాల కోసం ఆర్డర్
బోయింగ్:
B737 గరిష్టం: 204 ప్రయాణీకుల సామర్థ్యం, 190 విమానాలు కొనుగోలు ఆర్డర్
B787: 250 ప్రయాణీకుల సామర్థ్యం, 20 విమానాలు కొనుగోలు ఆర్డర్
B777: 368 ప్రయాణీకుల సామర్థ్యం, 10 విమానాలు కొనుగోలు ఆర్డర్
ఎందుకు కొనుగోలు చేస్తోంది..
2005 తర్వాత ఎయిర్ ఇండియా ఒక్క విమానాన్ని కూడా కొనుగోలు చేయలేదు. కానీ టాటా ఇప్పుడు మార్కెట్ విస్తరణలో భాగంగా పెద్ద ఎత్తున కొనుగోళ్లకు తెరలేపింది.
15 ఏళ్లలో దేశానికి 2000 విమానాలు అవసరం
భారతదేశం త్వరలో విమానయానంలో ప్రపంచంలో 3వ అతిపెద్ద మార్కెట్గా అవతరించనుంది. వచ్చే 15 ఏళ్లలో భారతదేశానికి 2000 విమానాలు అవసరమని ప్రధాని నరేంద్రమోదీ ఈ సందర్భంగా కీలక వ్యాఖ్యలు చేశారు. ఇదిలా ఉంటే టాటా గ్రూపు ఇటీవలే ప్రభుత్వ యాజమాన్యంలోని ఎయిర్ ఇండియాను కొనుగోలు చేసింది. విమాన సేవల విస్తరణలో భాగంగా ఎయిర్ బస్ కంపెనీ నుంచి మొత్తం 470 విమానాలను కొనుగోలు చేయాలని టాటా గ్రూపు నిర్ణయించింది. దీంతో ఎయిర్ ఇండియా కార్యకలాపాలు మరింతగా విస్తరిస్తాయని టాటా గ్రూప్ తెలిపింది.
ఎయిర్ బస్ తో ఒప్పందంపై సంతకం :
ఫ్రాన్స్కు చెందిన ఎయిర్బస్ తో ఎయిర్ ఇండియా చీఫ్ ఎన్. చంద్రశేఖరన్ 40 వైడ్ బాడీ ఏ350 ఎయిర్క్రాఫ్ట్లు, 210 నారో బాడీ ఏ320 ఎయిర్క్రాఫ్ట్లతో సహా 250 విమానాల కొనుగోలుకు ఒప్పందం కుదుర్చుకున్నారు. వైడ్ బాడీ ఎయిర్క్రాఫ్ట్ 16 గంటల కంటే ఎక్కువ ప్రయాణాలకు ఉపయోగిస్తారు. నారో బాడీ ఎయిర్క్రాఫ్ట్లను తక్కువ దూర ప్రయాణాలకు వినియోగిస్తున్నట్లు తెలిపారు. ఈ ఒప్పందం సమయంలో, వీడియో కాన్ఫరెన్స్ ద్వారా ప్రధాని నరేంద్ర మోదీ, ఫ్రాన్స్ అధ్యక్షుడు ఇమ్మాన్యుయేల్ మాక్రాన్ పాల్గొనడం విశేషం.
బోయింగ్ కాంట్రాక్ట్ ప్రకటన:
అనంతరం అమెరికా అధ్యక్షుడు జో బిడెన్ వాషింగ్టన్లో ఎయిర్ ఇండియా తమ దేశానికి చెందిన బోయింగ్ నుండి 220 విమానాలను కొనుగోలు చేయనున్నట్లు ప్రకటించారు. ఇందులో 190 బి737 మ్యాక్స్, 20 బి787, 10 బి777 మ్యాక్స్ విమానాలను ఎయిర్ ఇండియా కొనుగోలు చేయనున్నట్లు తెలిపింది. కాంట్రాక్ట్ మొత్తం దాదాపు 2.7 లక్షల కోట్లు. ఈ కాంట్రాక్టుపై జో బిడెన్ హర్షం వ్యక్తం చేస్తూ, ఇదొక చారిత్రాత్మక ఒప్పందం అవుతుందని. దీంతో అమెరికాలో 10 లక్షల ఉద్యోగాలు వస్తాయని వివరించారు.
17 సంవత్సరాల తర్వాత కొనుగోలు:
17 ఏళ్ల తర్వాత ఎయిర్ ఇండియా విమానాల కొనుగోలు ఒప్పందంపై సంతకం చేయడం ఇదే తొలిసారి. అంతకుముందు 2005లో, బోయింగ్ నుండి 68 విమానాలు మరియు ఎయిర్బస్ నుండి 43 విమానాలతో సహా 111 విమానాలను కొనుగోలు చేయడానికి ఎయిర్ ఇండియా ఒప్పందం కుదుర్చుకుంది. ప్రస్తుతం ఎయిర్ ఇండియా వద్ద 113 విమానాలు ఉన్నాయి.
కాంట్రాక్టు ఎంత కాలం ఉంటుంది..
ఎయిర్బస్తో ఒప్పందం 10 సంవత్సరాల కాలానికి, ఆర్డర్ చేసిన విమానం దశలవారీగా డెలివరీ చేయనున్నారు. ఎయిర్ ఇండియా ఆర్డర్ చేసిన 40 వైడ్ బాడీ ఎయిర్క్రాఫ్ట్లతో పాటు, 6 A350 ఎయిర్క్రాఫ్ట్లను 2023 చివరి నాటికి భారత్కు డెలివరీ చేసే అవకాశం ఉంది. మిగిలిన వాటిని దశలవారీగా అందజేస్తామని సంబంధిత వర్గాలు తెలిపాయి. బోయింగ్ విమానాలు ఇప్పుడు 44 US రాష్ట్రాల్లో తయారు చేస్తున్నారు. వీటిని దశలవారీగా పంపిణీ చేయనున్నారు.
