రూ.9కే విమాన టికెట్.. బికిని ఎయిర్ లైన్స్ బంపర్ ఆఫర్
త్రి గోల్డెన్ డేస్ పేరిట స్పెషల్ ప్రమోషన్ సేల్ నిర్వహిస్తోంది. ఆగస్టు 20 నుంచి 22 వరకు రూ.9 ప్రారంభ ధరతో సూపర్ సేవింగ్ టికెట్లను అందిస్తోది. ఈ మూడురోజుల్లో టికెట్లను కొనుగోలు చేసిన వారు తర్వాత ప్రయాణించే అవకాశం ఉంది. కాగా వియత్ జెట్ డిసెంబర్ 2011లో పనిచేయడం ప్రారంభించింది. ఈ సంస్థకు చెందిన కొన్ని విమానాల్లో సిబ్బంది బికినీలు ధరించి ఉంటారు.
వియత్నాంకు చెందిన వియత్ జెట్ విమానయాన సంస్థ భారతదేశంలో అడుగుపెడుతోంది. బికినీ ఎయిర్ లైన్స్ గా పేరొందిన ఈ విమాన సేవలు త్వరలోనే భారత్ లో ప్రారంభం కానున్నాయి. ఇండియా-వియత్నాం మధ్య డిసెంబర్ నుంచి ప్రత్యక్ష విమాన సేవలను ప్రారంభించనున్నట్లు వియత్ జెట్ మంగళవారం తెలిపింది.
డిసెంబర్ 6న ప్రారంభమయ్యే న్యూ ఢిల్లీ- హొచి మిన్ సిటీ మార్గంలో వారానికి నాలుగు రిటర్న్ విమానాలను నడుపుతున్నామని సదరు సంస్థ తెలిపింది. హనోయి-ఢిల్లీమార్గం డిసెంబర్ 7 నుంచి వారానికి మూడు రిటర్న్ విమానాలను నడుపుతామని సంస్థ వివరించింది. తొలిసారి భారత్ లో అడుగుపెడుతున్న సందర్భంగా ఓ బంపర్ ఆఫర్ ని తీసుకువచ్చింది.
త్రి గోల్డెన్ డేస్ పేరిట స్పెషల్ ప్రమోషన్ సేల్ నిర్వహిస్తోంది. ఆగస్టు 20 నుంచి 22 వరకు రూ.9 ప్రారంభ ధరతో సూపర్ సేవింగ్ టికెట్లను అందిస్తోది. ఈ మూడురోజుల్లో టికెట్లను కొనుగోలు చేసిన వారు తర్వాత ప్రయాణించే అవకాశం ఉంది. కాగా వియత్ జెట్ డిసెంబర్ 2011లో పనిచేయడం ప్రారంభించింది. ఈ సంస్థకు చెందిన కొన్ని విమానాల్లో సిబ్బంది బికినీలు ధరించి ఉంటారు.
అంతేకాదు, ప్రతి సంవత్సరం విమాన సంస్థ విడుదల చేసే క్యాలెండర్ లో కూడా అమ్మాయిలు బికినీల్లోనే దర్శనమిస్తారు. మరోవైపు చైనాలో జరిగిన ఆసియా కప్ పోటీలకు వియత్నాం అండర్-23 ఫుట్ బాల్ జట్టు ప్రయాణిస్తున్న ప్రత్యేక విమానంలో బికినీలు ధరించిన మోడల్స్ ఉన్న కారణంగా సివిల్ ఏవియేషన్ అథారిటీ ఆఫ్ వియత్నాం జనవరి 2018లో వియత్ జెట్ కు జరిమానా కూడా విధించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
