Union Budget 2023: బడ్జెట్ వేళ స్టాక్ మార్కెట్ లాభాల జోరు, 415 పాయింట్లు లాభపడ్డ సెన్సెక్స్..
బడ్జెట్ రోజు మార్కెట్ ప‌టిష్టంగా మొద‌లైంది. నిఫ్టీ 17800 వద్ద ప్రారంభమైంది. దాదాపు 09.16 వద్ద, సెన్సెక్స్ 457.32 పాయింట్ల లాభంతో 60007.22 స్థాయి వద్ద కనిపించింది, అంటే 0.77 శాతం. నిఫ్టీ 130.60 పాయింట్లు అంటే 0.74 శాతం వృద్ధితో 17792.80 స్థాయిలో కనిపిస్తోంది.
బడ్జెట్ 2023 ప్రసంగాన్ని ఆర్థిక మంత్రి నిర్మలా సీతారామన్ ప్రారంభించారు. నేడు మోదీ ప్రభుత్వం రెండో దఫా చివరి పూర్తి బడ్జెట్‌ను ప్రవేశపెట్టనున్నారు. నిర్మలా సీతారామన్‌కి ఇది ఐదో బడ్జెట్. 2024లో జరగనున్న సార్వత్రిక ఎన్నికలకు ముందు ప్రభుత్వం ప్రవేశపెట్టిన చివరి పూర్తి బడ్జెట్ ఇదే. బడ్జెట్‌పై అన్ని వర్గాల ప్రజలు భారీ అంచనాలతో ఉన్నారు. ఇదిలా ఉంటే ఇన్వెస్టర్ల కళ్లు స్టాక్ మార్కెట్‌పైనే ఉన్నాయి. ఇప్పుడు బడ్జెట్ రోజు లేదా బడ్జెట్ తర్వాత స్టాక్ మార్కెట్ ఎలా కదులుతుంది అనేది ప్రశ్న. గత 10 ఏళ్ల ట్రెండ్‌ను పరిశీలిస్తే, బడ్జెట్ రోజున స్టాక్ మార్కెట్ ట్రెండ్ మిశ్రమంగా ఉంది.
మెరుగైన ప్రపంచ సంకేతాల మధ్య యూనియన్ బడ్జెట్ 2023కి ముందు స్టాక్ మార్కెట్‌లో మంచి బూమ్ కనిపిస్తోంది. ఈరోజు సెన్సెక్స్, నిఫ్టీ ఇండెక్స్ రెండింటిలోనూ ర్యాలీ ఉంది. ఈరోజు ఇంట్రాడేలో సెన్సెక్స్ 60100 దాటింది. నిఫ్టీ 17800 దాటింది. ఈరోజు బ్యాంకు, ఐటీ షేర్లలో కొనుగోళ్లు బాగానే ఉన్నాయి. గ్లోబల్ సిగ్నల్స్ కూడా మెరుగ్గా ఉన్నాయి. మంగళవారం అమెరికా మార్కెట్లలో మంచి వృద్ధి కనిపించింది. ప్రస్తుతం సెన్సెక్స్ 628 పాయింట్లు పెరిగి 60,177.46 స్థాయికి చేరుకుంది. నిఫ్టీ 174 పాయింట్లు లాభపడి 17,835.65 స్థాయికి చేరుకుంది.
నేటి ట్రేడింగ్ లో అన్ని రంగాలలో కొనుగోళ్లు ఉన్నాయి. నిఫ్టీలో బ్యాంక్, ఆర్థిక సూచీలు 1 శాతానికి పైగా బలపడ్డాయి. ఇదే సమయంలో రియల్టీ ఇండెక్స్ కూడా 1 శాతం బలపడింది. మెటల్ ఇండెక్స్‌లో దాదాపు 1 శాతం, ఆటో ఇండెక్స్‌లో అర శాతం పెరుగుదల ఉంది. ఫార్మా, ఎఫ్‌ఎంసిజి సహా ఇతర సూచీలు కూడా గ్రీన్‌లో ఉన్నాయి. ఈరోజు భారీ షేర్లలో కొనుగోళ్లు కనిపిస్తున్నాయి. సెన్సెక్స్ 30 కి చెందిన 29 స్టాక్స్ గ్రీన్ మార్క్‌లో ఉన్నాయి. నేటి టాప్ గెయినర్స్‌లో ICICIBANK, KOTAKBANK, HDFCBANK, SBI, TATASTEEL, TECHM, HDFC, HUL, WIPRO ఉన్నాయి.
2022 సంవత్సరంలో బడ్జెట్ రోజున మార్కెట్ పరిస్థితి ఎలా ఉంది
2022లో సాధారణ బడ్జెట్‌ను ప్రవేశపెట్టినప్పుడు, బడ్జెట్ రోజున స్టాక్ మార్కెట్‌లో పెరుగుదల కనిపించింది. ఈ రోజు స్టాక్ మార్కెట్ లాభాలతో ప్రారంభమై లాభాలతో ముగిసింది. ఈ రోజు, నిఫ్టీ 17,500 ఫిగర్‌ను తాకగా, సెన్సెక్స్ 58,500 మార్క్‌ను దాటింది.
ఈ కంపెనీల ఫలితాలు నేడు రానున్నాయి
బ్రిటానియా ఇండస్ట్రీస్, అశోక్ లేలాండ్, అజంతా ఫార్మా, అలెంబిక్ ఫార్మా, జూబిలెంట్ ఫుడ్‌వర్క్స్, మహీంద్రా లాజిస్టిక్స్, రామ్‌కో సిస్టమ్స్, రేమండ్, రెడింగ్‌టన్, ఆర్‌పిజి లైఫ్ సైన్సెస్, సుంద్రమ్ ఫాస్టెనర్స్, టాటా కెమికల్స్, టిమ్‌కెన్ ఇండియా, యుటిఐ అసెట్ మేనేజ్‌మెంట్ కంపెనీ, డబ్ల్యుహిర్ల్‌పోల్ మేనేజ్‌మెంట్ కంపెనీల ఫలితాలు నేడు రిలీజ్ కానున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
