బెంగుళూరు పోలీసులకు అపాచీ ఆర్టీఆర్ 160 బైకులను విరాళంగా ఇచ్చిన టీవీఎస్ సంస్థ
25 అపాచీ ఆర్‌టిఆర్ 160 బైకుల విరాళం ఫ్రంట్‌లైన్ వర్కర్స్ తోడ్పడటానికి ద్విచక్ర వాహన తయారీదారుల నిబద్ధతను చూపించడానికి ఒక గుర్తు అని టివిఎస్ మోటార్ కంపెనీ తెలిపింది.
ద్విచక్ర వాహన తయారీ సంస్థ టీవీఎస్ మోటర్స్ కంపెనీ 25 టీవీఎస్ అపాచీ ఆర్టీఆర్ 160 బైకులను బెంగుళూరు సిటీ పోలీసులకు అందించినట్లు కంపెనీ ప్రకటించింది.
కర్ణాటక హోంమంత్రి బసవరాజ్ బొమ్మాయి, బెంగళూరు పోలీసు కమిషనర్ కమల్ పంత్ సమక్షంలో టీవీఎస్ మోటార్ కంపెనీ హెడ్ అండ్ మార్కెటింగ్ - ప్రీమియం మోటార్ సైకిల్స్ మేఘశ్యామ్ దిఘోల్ బైకులను అందించారు.
హీరో మోటోకార్ప్ సంస్థ 751 హీరో గ్లామర్ బైకులను కర్ణాటక పోలీసు శాఖకు విరాళంగా ఇచ్చిన కొద్ది రోజులకే టీవీఎస్ మోటర్స్ ఈ ప్రకటన చేసింది.
ఫ్రంట్‌లైన్ వర్కర్స్ సపోర్టింగ్ కి ద్విచక్ర వాహనాల తయారీదారుల నిబద్ధతను చూపించడానికి ఈ విరాళం ఒక గుర్తు అని టీవీఎస్ మోటార్ కంపెనీ తెలిపింది.
also read పండుగ సీజన్ లో వాహనాల అమ్మకాల జోరు.. 17 శాతం పెరిగిన సేల్స్.. ...
బెంగళూరు సిటీ పోలీసులకు విరాళంగా ఇచ్చిన టీవీఎస్ అపాచీ ఆర్టీఆర్ 160 ఓల్డ్ వెర్షన్, 4 వి వెర్షన్‌తో పాటు సేల్స్ కొనసాగుతున్నాయి.
ఈ బైక్ 159.7 సిసి సింగిల్ సిలిండర్, టు-వాల్వ్ ఇంజన్ నుండి 8400 ఆర్‌పిఎమ్, 15.3 బిహెచ్‌పి అలాగే 7000 ఆర్‌పిఎమ్ వద్ద 13.9 ఎన్ఎమ్ పీక్ టార్క్ అభివృద్ధి చేస్తుంది, 5-స్పీడ్ గేర్‌బాక్స్‌తో వస్తుంది.
బెంగళూరు నగరంలో పెట్రోలింగ్ కోసం ఈ 25 టీవీఎస్ అపాచీ ఆర్టీఆర్ 160 బైకులను ఉపయోగించుకునే అవకాశం ఉంది. అపాచీ ఆర్టీఆర్ 160 ఈ విభాగంలో నమ్మదగిన సేల్స్ ఆప్షన్ లో ఒకటిగా ఉంది.
టీవీఎస్ అపాచీ ఆర్టీఆర్ 160 ధరలు రూ.1.03 లక్షలు (ఎక్స్-షోరూమ్, ఢీల్లీ) నుండి మొదలవుతాయి, దీని ధర అపాచీ ఆర్టీఆర్ 4వి కన్నా రూ.5వేలు తక్కువ.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
