royal enfield: రాయల్ ఎన్‌ఫీల్డ్ స్క్రామ్ 411 లాంచ్ వివరాలు లీక్.. బైక్ స్ట్రాంగ్ ఫీచర్లలు ఇవే..

రాయల్ ఎన్‌ఫీల్డ్ (royal enfield) నుండి వస్తున్న స్క్రామ్ 411 మార్చి రెండవ వారంలో భారతదేశంలో విడుదల కానుంది. అయితే ఈ కొత్త మోడల్ లాంచ్‌కు సంబంధించిన ఫిక్స్ డేట్ ఇంకా అధికారికంగా ప్రకటించాల్సి ఉంది. మరోవైపు లాంచ్ తేదీ మార్చి 11 నుండి మార్చి 15 మధ్య ఉండవచ్చని కొన్ని నివేదికలు సూచిస్తున్నాయి. రాయల్ ఎన్‌ఫీల్డ్ నుండి రాబోతున్న ఈ బైక్ పై చాలా అంచనాలు ఉన్నాయి. ఈ బైక్ లాంచ్ చేయడానికి ముందే డీలర్‌షిప్‌లో  ప్రత్యక్షమైంది.  

కలర్స్ 
ఈ బైక్ రెండు వేర్వేరు పెయింట్ స్కీమ్‌లలో రానుంది. ఇందులో బ్లాక్ తో మెరూన్/ఎల్లో హైలైట్స్ ఇంకా వైట్‌తో ఎరుపు/నీలం హైలైట్స్ ఉన్నాయి. ఈ బైక్‌ను మరిన్ని కలర్ ఆప్షన్‌లలో అందుబాటులోకి తీసుకురానున్నట్లు ప్రత్యేకంగా చెప్పనవసరం లేదు, దీని వివరాలు రాబోయే రోజుల్లో వెల్లడి కానున్నాయి. 

ఇంజిన్ అండ్ పవర్
ఈ బైక్ అధికారిక బ్రోచర్ కూడా ఆన్‌లైన్‌లో లీకైంది. ఈ కారణంగా కొన్ని కొత్త ఫీచర్ల వివరాలు వెల్లడయ్యాయి. రాయల్ ఎన్‌ఫీల్డ్ స్క్రామ్ 411 411cc, సింగిల్ సిలిండర్ యూనిట్‌ను పొందుతుంది. ఈ ఇంజన్ గరిష్టంగా 24.3 bhp శక్తిని ఉత్పత్తి చేస్తుంది. రాయల్ ఎన్ఫీల్డ్ హిమాలయన్ బైక్‌లో అందించిన గేర్ ట్రాన్స్‌మిషన్ లాగానే దీనికి ఉంటుంది.

వీల్స్ 
స్క్రామ్ 411 హిమాలయన్ టోన్డ్ డౌన్ వెర్షన్‌గా ఉంటుంది కాబట్టి కంపెనీ దీనిని మరింత క్రూజింగ్ ఫ్రెండ్లీగా మార్చడానికి వివిధ పరికరాలను సమకూర్చవచ్చు. హిమాలయన్‌లోని 21-అంగుళాల ఫ్రంట్ వీల్‌లా కాకుండా స్క్రామ్ 411 చిన్న 19-అంగుళాల ఫ్రంట్ వీల్‌ను పొందవచ్చని భావిస్తున్నారు. అయితే, వెనుక వీల్ 17-అంగుళాల స్పోక్ వీల్‌గానే ఉంటుంది.

ఫీచర్లు
కొత్త ఫోటోలలో సూచించినట్లుగా హిమాలయన్‌లో కనిపించే స్ప్లిట్ సీట్ ఆప్షన్‌కు బదులుగా స్క్రమ్ 411 బైక్‌కు ఒకే సీటు లభిస్తుంది. హ్యాండిల్‌బార్ ఫ్లాట్ ఇంకా వెడల్పాటి యూనిట్‌గా ఉంటుంది, కానీ గతంల పెద్దగా ఉండదు. హార్డ్‌కోర్ ADV ట్రిమ్‌తో పోలిస్తే ఎక్స్టీరియర్ రూపాలు ప్రత్యేకంగా కనిపించేలా సవరించబడ్డాయి. 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• royal enfield
• రాయల్ ఎన్‌ఫీల్డ్
• రాయల్ ఎన్‌ఫీల్డ్ స్క్రామ్ 411
• Royal Enfield Scram 411