నాసాతో నిస్సాన్ చేతులు: ఎలక్ట్రిక్ వాహనాల కోసం కొత్త అధునాతన బ్యాటరీ తయారీ.. ఎలా పనిచేస్తుందంటే..?
జపనీస్ కంపెనీ నిస్సాన్ భవిష్యత్తులో రానున్న ఎలక్ట్రిక్ వాహనాల కోసం కొత్త రకం బ్యాటరీని అభివృద్ధి చేయడానికి యూ‌ఎస్ స్పేస్ ఏజెన్సీ నాసాతో కలిసి పని చేస్తోంది.
Followజపనీస్ ఆటోమేకర్ నిస్సాన్ (nissan) భవిష్యత్తులో ఎలక్ట్రిక్ వాహనాల కోసం కొత్త రకం బ్యాటరీని అభివృద్ధి చేయడానికి US స్పేస్ ఏజెన్సీ నాసా (NASA)తో కలిసి పని చేస్తోంది. మీడియా నివేదికల ప్రకారం, US స్పేస్ ప్రోగ్రామ్ అండ్ నిస్సాన్ మధ్య సహకారం సాలిడ్-స్టేట్ బ్యాటరీల అభివృద్ధికి దారి తీసింది, ఇవి ప్రస్తుతం వాడుకలో ఉన్న లిథియం-అయాన్ బ్యాటరీల కంటే తేలికైనవి, సురక్షితమైనవి ఇంకా చాలా వేగంగా ఛార్జ్ చేయగలవని నమ్ముతారు.
నివేదికల ప్రకారం, నిస్సాన్-నాసా భాగస్వామ్యం ద్వారా అభివృద్ధి చేయబడిన సాలిడ్-స్టేట్ బ్యాటరీతో మొదటి ఉత్పత్తి 2028లో ప్రారంభించనుంది. అయితే, పైలట్ ప్లాంట్ 2024 ప్రారంభం కానుంది. ఒక ఉత్పత్తిలో వీటిని ప్రవేశపెట్టిన తర్వాత సాలిడ్-స్టేట్ బ్యాటరీలు లిథియం-అయాన్ బ్యాటరీలను పూర్తిగా భర్తీ చేయగలవు.
ఇవి సిద్ధమైన్నప్పుడు, నిస్సాన్ నాసా అభివృద్ధి చేసిన సాలిడ్-స్టేట్ బ్యాటరీ ఎలక్ట్రిక్ వాహనాలలో ఉపయోగించే ప్రస్తుత బ్యాటరీలతో పోలిస్తే సగం పరిమాణంలో ఉంటుందని, బ్యాటరీ ఛార్జింగ్ సమయం గంటలకు బదులుగా కొన్ని నిమిషాలలో ఫుల్ చార్జ్ అవుతుందని నివేదికలు సూచిస్తున్నాయి.
నాసాతో పాటు, జపనీస్ కార్‌మేకర్ ప్రస్తుతం ఉపయోగిస్తున్న ఖరీదైన అరుదైన-భూమి లోహాలపై ఆధారపడటాన్ని తగ్గించగల వివిధ రకాల పదార్థాలను పరీక్షించడానికి కాలిఫోర్నియా విశ్వవిద్యాలయంతో కూడా భాగస్వామ్యం చేసుకుంది. నిస్సాన్ లీఫ్ EV ప్రయోజనాన్ని కూడా పొందుతుంది. దీనితో బ్యాటరీ సెల్‌లకు సంబంధించిన టెక్నాలజి సాధించవచ్చు.
టయోటా (toyota), వోక్స్‌వ్యాగన్ (volkswagen), ఫోర్డ్ (ford), జనరల్ మోటార్స్ (general motors) వంటి కంపెనీలు కూడా సాలిడ్-స్టేట్ బ్యాటరీలపై పని చేస్తున్నాయి. అయితే, నిస్సాన్ ఎగ్జిక్యూటివ్ వైస్ ప్రెసిడెంట్ కునియో నకగురో తాము అభివృద్ధి చేస్తున్న బ్యాటరీ "గేమ్-ఛేంజర్"గా ఉంటుందని చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
