సరదాగా అన్నమాటే నిజమైంది... ఇదే చివరి రోజంటూ...
‘ ఒరేయ్ బావా...చూడు, ఇదే నా చివరి సెల్ఫీ.. ఈ సంవత్సరానికి ఇదే ఆఖరి రోజు కదా.. అందుకే ఇదే చివరిది’ అంటూ సరదాగా ఫ్రెండ్ తో అన్నమాటలు ఆ యువకుడి విషయంలో నిజమయ్యాయి.
అందరం న్యూ ఇయర్ లోకి అడుగుపెట్టాం. డిసెంబర్ 31 వ తేదీన అందరూ సంబరాలు చేసుకున్నారు. ఆ సమయంలో ఓ యువకుడు సరదాగా చెప్పిన మాటలే అతని జీవితంలో నిజమయ్యాయి. డిసెంబర్ 31వ తేదీన ఓ యువకుడు చివరగా సెల్ఫీ తీసుకొని అదే చివరిదంటూ పేర్కొన్నాడు. ఆ తర్వాత జరిగిన రోడ్డు ప్రమాదంలో కన్నుమూశాడు. ఈ సంఘటన విజయనగరంలో చోటుచేసుకుంది.
పూర్తి వివరాల్లోకి వెళితే... ‘ ఒరేయ్ బావా...చూడు, ఇదే నా చివరి సెల్ఫీ.. ఈ సంవత్సరానికి ఇదే ఆఖరి రోజు కదా.. అందుకే ఇదే చివరిది’ అంటూ సరదాగా ఫ్రెండ్ తో అన్నమాటలు ఆ యువకుడి విషయంలో నిజమయ్యాయి. ఇవే మాటలతో అతను టిక్ టాక్ చేశాడు. విజయనగరం జిల్లా బొండవల్లి మండలం ఎం.కొత్తవలసకు చెందిన ఎం.వినోద్ గంట్యాడ మండలం పెదమజ్జిపాలెంకు చెందిన ఇద్దరు స్నేహితులతో కలిసి మంగళవారం రాత్రి వరకు ఆనందంగా గడిపాడు.
ఈ సంవత్సరానికి ఇదే చివరి సెల్ఫీ అంటూ వీడియో చిత్రీకరించి పెట్టాడు. ఇది చిత్రీకరించిన కొద్ది గంటలకే ముగ్గురూ ద్విచక్రవాహనంపై బయలుదేరాడు. బొండవల్లి మండలం యడ్లపాలెం సమీపంలో అర్థరాత్రి దాటాక తాటి చెట్టును ఢీకొట్టారు. ఈ ఘటనలో వినోద్ పక్కనే ఉన్న చెరువులో పడి చనిపోయాడు. మిగిలిన ఇద్దరూ గాయపడ్డారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
