ఉత్తరాఖండ్‌లో లోయలో పడిన ఏపీకి చెందిన వాహనం: ఐదుగురు సురక్షితం, మరో ఆరుగురి కోసం గాలింపు
ఉత్తరాఖండ్ రాష్ట్రంలోని తెహ్రీ జిల్లా గులార్ లో వాహనం అదుపు తప్పి లోయలో పడింది. ఈ ప్రమాదంలో ఐదుగురిని రెస్క్యూ సిబ్బంది రక్షించారు. మరో ఆరుగురి కోసం గాలింపు చర్యలు చేపట్టారు.
 )
Followన్యూఢిల్లీ: ఉత్తరాఖండ్ రాష్ట్రంలోని తెహ్రీ జిల్లా గులార్ లో వాహనం అదుపుతప్పి లోయలో పడింది. ఈ వాహనంలో ఆంధ్రప్రదేశ్ రాష్ట్రంలోని విజయనగరం జిల్లాలోని రవిరావు కుటుంబం ఉందని సమాచారం. గులార్ వద్దకు చేరుకున్న తర్వాత వాహనం అదుపుతప్పి లోయలో పడింది. ఈ ప్రమాదంలో వాహనంలోని ఐదుగురిని రక్షించారు. మరో ఆరుగురి కోసం రెస్క్యూ బృందం గాలింపు చర్యలు చేపట్టింది. శ్రీనగర్- బద్రీనాథ్ హైవేపై ఈ ప్రమాదం జరిగింది.
ఉత్తరాఖండ్ లో భారీ వర్షాలు కురుస్తున్నాయి. దీంతో కొండ ప్రాంతాల్లో అనేక నదులు ఉప్పొంగుతున్నాయి. దరిమిలా చాలా చోట్ల రోడ్లు తెగిపోయాయి. భారీ వర్షాల కారణంగా కల్కా-సిమ్లా మార్గంలో రైల్వే ట్రాక్ మూసివేశారు. నైరుతి రుతుపవనాల కారణంగా ఉత్తరాది ప్రాంతంలో భారీగా వర్షాలు కురుస్తున్నాయి. ఈ రుతుపవనాల కారణంగా ఉత్తరాఖండ్ లో భారీ వర్షాలు కురుస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
