పుట్టిన రోజు ఫ్లెక్సీ: వైసీపీ ఎమ్మెల్యేకు నారా లోకేష్ భారీ షాక్
వైసీపి ఎమ్మెల్యే కేతిరెడ్డి వెంకట్రామి రెడ్డికి టీడీపీ ప్రధాన కార్యదర్శి నారా లోకేష్ షాక్ ఇచ్చారు. కేతిరెడ్డి పుట్టిన రోజు సందర్భంగా ఏర్పాటు చేసిన ఫ్లెక్సీకి లోకేష్ ట్విస్ట్ ఇచ్చారు. అది సోషల్ మీడియాలో వైరల్ అవుతోంది.
అనంతపురం: ఎమ్మెల్యే పుట్టిన రోజు సందర్భంగా ఏర్పాటు చేసిన ఫ్లెక్సీ ఫోటోను మాజీ మంత్రి నారా లోకేష్ ట్వీట్ చేసి ఇరుకున పెట్టారు. ఫ్లెక్సీకి సంబంధం ఏంటని అనుకుంటున్నారా.అనంతపురం జిల్లా ధర్మవరం ఎమ్మెల్యే కేతిరెడ్డి వెంకట్రామిరెడ్డి, వైఎస్సార్‌సీపీ నేతలకు టీడీపీ జాతీయ అధికార ప్రతినిధి, మాజీ మంత్రి నారా లోకేష్ ట్విస్ట్ ఇచ్చారు.
ఎమ్మెల్యే పుట్టిన రోజు సందర్భంగా ఏర్పాటు చేసిన ఫ్లెక్సీ ఫోటోను ట్వీట్ చేసి ఇరుకున పెట్టారు. ఫ్లెక్సీకి సంబంధం ఏంటని అనుకుంటున్నారా. ఎమ్మెల్యే బర్త్ డే సందర్భంగా నేతలు, కార్యకర్తలు ఫ్లెక్సీ ఏర్పాటు చేశారు.. అయితే స్థానికంగా ఉన్న మాజీ రాష్ట్రపతి ఏపీజే అబ్దుల్ కలాం విగ్రహం ఎదురుగా ఆ ఫ్లెక్సీ పెట్టడంపై వివాదం రేగింది. మాజీ రాష్ట్రపతి, దేశానికి ఎన్నో సేవలు అందించిన కలాంకు ఇచ్చే గౌరవం ఇదేనా అంటూ టీడీపీ నేతలు టార్గెట్ చేశారు.
ఈ ఫోటోను ట్వీట్ చేసిన నారా లోకేష్ వైఎస్సార్‌సీపీ నేతల తీరుపై మండిపడ్డారు. ఎమ్మెల్యే పుట్టిన రోజు సందర్భంగా ఏర్పాటు చేసిన ఫ్లెక్సీని అడ్డుపెట్టి మాజీ రాష్ట్రపతి అబ్దుల్ ్కలాంను అవమానించారని.. ఈ ఫ్లెక్సీని చూసి షాకయ్యాను అన్నారు.
రాష్ట్రంలో ఒక్క వైఎస్సార్ విగ్రహానికి తప్ప.. మిగిలిన గొప్ప వ్యక్తుల విగ్రహాలకు గౌరవం ఇవ్వరంటూ మండిపడ్డారు. లోకేష్ మాత్రమే కాదు.. మిగిలిన టీడీపీ నేతలు కూడా ఈ ఫోటోను సోషల్ మీడియాలో వైరల్ చేస్తున్నారు. ఎమ్మెల్యే అనుచరుల తీరుపై మండిపడుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
