మహిళా నిందితురాలితో అసభ్య ప్రవర్తన... ఎస్ఐ సస్పెన్షన్
అదే రోజున ఎస్ఐ ఫోనులో నిందితురాలితో మాట్లాడిన మాటలు వివాదాస్పదమయ్యాయి. ఇంటికి వస్తే కేసు లేకుండా చూస్తానని ఫోనులో మాట్లాడుతూ తాను నివాసం ఉంటున్న వీధి చిరునామాను తెలియజేశారు.
ఆమె ఓ కేసులో నిందితురాలిగా ఉంది. కాగా... అది అవకాశంగా తీసుకున్న ఓ సబ్ ఇన్ స్పెక్టర్.. ఆమె పట్ల నీచంగా ప్రవర్తిచడం మొదలుపెట్టాడు. నిందితురాలికి ఫోన్ చేసి మరీ అసభ్యరీతిలో మాట్లాడేవాడు. కాగా.. సదరు బాధితురాలు ఈ విషయాన్ని ఉన్నతాధికారుల దృష్టికి తీసుకువెళ్లడంతో.. ఆ ఎస్ఐని సస్పెండ్ చేశారు. ఈ సంఘటన శ్రీకాకుళం జిల్లాలో చోటుచేసుకోగా.. పూర్తి వివరాలు ఇలా ఉన్నాయి.
రాపాక కూడలికి సమీపంలోని కుమ్మరికాలనీలో నివాసం ఉంటున్న మహిళను శనివారం మద్యం సీసాలను అక్రమంగా నిల్వ ఉంచిన కేసులో అరెస్టు చేశారు. అదే రోజు తుంగపేటలో నిందితురాలి తండ్రిని మద్యం సీసాల నిల్వ కేసులో అరెస్టు చేశారు.
ఈ కేసు విషయంలో ఆదివారం వీరిని స్టేషన్‌కు పిలిపించారు. అదే రోజున ఎస్ఐ ఫోనులో నిందితురాలితో మాట్లాడిన మాటలు వివాదాస్పదమయ్యాయి. ఇంటికి వస్తే కేసు లేకుండా చూస్తానని ఫోనులో మాట్లాడుతూ తాను నివాసం ఉంటున్న వీధి చిరునామాను తెలియజేశారు. ఒంటరిగా మాత్రమే రావాలని సూచించారు. ఎస్ఐ అసభ్య ప్రవర్తనను బాధితురాలు ఉన్నతాధికారుల దృష్టికి తీసుకువెళ్లడంతో ఈ వ్యవహారం వెలుగులోకి వచ్చింది. కాగా.. ఎస్ఐ ని సస్పెండ్ చేస్తూ ఉన్నతాధికారులు చర్యలు తీసుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
