నెల్లూరు జిల్లాలో ఘోర రోడ్డు ప్రమాదం: నలుగురు మృతి
మరో ఎనిమిదిమందికి తీవ్ర గాయాలు
నెల్లూరు జిల్లాలో ఘోర రోడ్డు ప్రమాదం చోటుచేసుకుంది. పెళ్లకూరు వద్ద ఇవాళ తెల్లవారుజామున ప్రయాణికుల జీపును వేగంగా వచ్చిన ట్రావెల్ బస్సు ఢీ కొట్టింది. ఈ ప్రమాదంలో జీపులో ప్రయాణిస్తున్న నలుగురు ప్రయాణికులు మృతిచెందగా మరో ఎనిమిదిమందికి తీవ్ర గాయాలయ్యాయి.
గుంటూరు జిల్లా బొల్లాపల్లి మండలం నాయుడుపాలెంకి చెందిన ఓ కుటుంబం శ్రీవారి దర్శనం కోసం ఓ జీపులో తిరుమలకు బయలుదేరారు. ఈ క్రమంలో వీరు ప్రయాణఇస్తున్న వాహనం పెళ్లకూరు సమీపంలోని పెట్రోల్ బంకు వద్దకు రాగానే వెనుక నుంచి వచ్చిన ఓ ట్రావెల్ బస్ ఢీ కొట్టింది.
ఈ ప్రమాదంలో డ్రైవర్ తో పాటు ఓ మహిళ, ఇద్దరు చిన్నారులు మృతి చెందారు. తీవ్ర గాయాలపాలైన క్షతగాత్రులను స్థానిక ప్రభుత్వ ఆస్పత్రికి తరలించి చికిత్స అందిస్తున్నారు. సంఘటనా స్థలానికి చేరుకున్న పోలీసులు ఈ ప్రమాద ఘటనపై దర్యాప్తు చేస్తున్నారు.
ఒకే కుటుంబానికి చెందిన వారు ఇలా ప్రమాదానికి గురవడంతో నాయుడుపాలెం లో విషాద చాయలు అలుముకున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
