నెల్లూరులో పోలీసుల గదిని శుభ్రం చేసిన ఏడేళ్ల చిన్నారి: విచారణకు కలెక్టర్ ఆదేశం
నెల్లూరు జిల్లాలోని ఆత్మకూరులో ఇంటర్ స్పాట్ వాల్యూయేషన్ నిర్వహించే కేంద్రంలో చిన్నారితో గదిని శుభ్రం చేయించారు. పోలీసులు దగ్గరుండి చిన్నారితో ఈ పనులు చేయించడం గమనార్హం. ఈ ఘటనపై జిల్లా కలెక్టర్ ఆగ్రహం వ్యక్తం చేశారు.
నెల్లూరు: నెల్లూరు జిల్లాలోని ఆత్మకూరులో ఇంటర్ స్పాట్ వాల్యూయేషన్ నిర్వహించే కేంద్రంలో చిన్నారితో గదిని శుభ్రం చేయించారు. పోలీసులు దగ్గరుండి చిన్నారితో ఈ పనులు చేయించడం గమనార్హం. ఈ ఘటనపై జిల్లా కలెక్టర్ ఆగ్రహం వ్యక్తం చేశారు.
నెల్లూరు జిల్లాలోని ఆత్మకూరులో ఇంటర్ జవాబు పత్రాల మూల్యాంకనం నిర్వహించేందుకు అధికారులు సర్వం సిద్దం చేశారు. ఈ స్పాట్ వాల్యూయేషన్ ప్రక్రియకు ఇద్దరు కానిస్టేబుళ్లను బందోబస్తుగా నియమించారు. పోలీసులకు కేటాయించిన గదిలో దుమ్ముతో నిండిపోయింది.
ఈ గదిని క్లీన్ చేయాలని ఇక్కడ వాచ్ మెన్ గా పనిచేసే వ్యక్తి భార్యకు చెప్పారు. అయితే ఆమె అనారోగ్యానికి గురైంది. దీంతో ఏడేళ్ల చిన్నారితో ఈ గదిని క్లీన్ చేయించారు.
also read:స్వదేశీ వస్తువులే కొనుగోలుకు ఆదేశాలివ్వండి: ఏపీ హైకోర్టులో బీజేపీ నేత పిటిషన్
ఈ విషయం మీడియాలో కథనాలు వచ్చాయి. ఈ కథనాలు జిల్లా కలెక్టర్ దృష్టికి వచ్చింది. కలెక్టర్ ఈ ఘటనపై ఆగ్రహం వ్యక్తం చేశారు. ఈ విషయమై విచారణ నిర్వహించాలని జిల్లా కలెక్టర్ ఆదేశాలు జారీ చేశారు. ఈ విషయమై జిల్లా ఎస్పీ స్థానిక సీఐను విచారణను ప్రారంభించారు. మరో వైపు ఏడేళ్ల చిన్నారితో గదిని శుభ్రం చేయించిన కానిస్టేబుళ్లపై కూడ ఎస్పీ చర్యలు తీసుకొనే అవకాశం ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
