మాచర్ల అసెంబ్లీ ఎన్నికల ఫలితాలు 2024 

మాచర్ల రాజకీయాలు : 

మాచర్ల నియోజకవర్గ రాజకీయాలు చాలా భిన్నంగా వున్నాయి. ఇక్కడి ప్రజలు చాలాకాలంగా ఒకే కుటుంబానికి ఎమ్మెల్యే పదవిని కట్టబెడుతున్నారు. 2004 లో పిన్నెల్లి కుటుంబం చేతికిచిక్కిన ఈ నియోజకవర్గం ఇప్పటికీ   కొనసాగుతోంది.  2004 పిన్నెల్లి లక్ష్మారెడ్డి,  ఆ తర్వాత ఆయన తమ్ముడి కుమారుడు పిన్నెల్లి రామకృష్ఱారెడ్డి ఎమ్మెల్యేలుగా కొనసాగుతున్నారు. వరుసగా నాలుగుసార్లు ( రెండుసార్లు కాంగ్రెస్, రెండుసార్లు వైసిపి) నుండి పిన్నెల్లి రామకృష్ణారెడ్డి ఎమ్మెల్యేగా గెలుపొందారు. 

ఇక జూలకంటి కుటుంబానికి కూడా మాచర్ల రాజకీయాలపై మంచి పట్టు వుంది. 1972 లో జూలకంటి నాగిరెడ్డి స్వతంత్ర్య అభ్యర్ధిగా పోటీచేసి గెలిచారు. ఆ తర్వాత 1999 లో జూలకంటి దుర్గాంబ (నాగిరెడ్డి భార్య) టిడిపి నుండి ఎమ్మెల్యేగా గెలిచారు. వీరి కొడుకే జూలకంటి బ్రహ్మానందరెడ్డి... ఈయన ఈసారి టిడిపి తరపున బరిలోకి దిగుతూ పిన్నెల్లితో ఢీకొంటున్నాడు.  

మాచర్ల అసెంబ్లీ పరిధిలోని మండలాలు : 

మాచర్ల 
వెల్దుర్తి 
దుర్గి 
రెంటచింతల
కారెంపూడి 

మాచర్ల అసెంబ్లీ ఓటర్లు : 

మాచర్ల నియోజకవర్గ ఓటర్లు - 2,50,403 (2019 ఎన్నికల ప్రకారం) 

మహిళలు ‌‌-‌ 126964

పురుషులు - 123417

మాచర్ల అసెంబ్లీ ఎన్నికలు 2024 అభ్యర్థులు :

మాచర్ల వైసిపి అభ్యర్థి : 

ప్రస్తుత ఎమ్మెల్యే పిన్నెల్లి రామకృష్ణారెడ్డినే మరోసారి మాచర్లలో పోటీ చేసేలా కనిపిస్తున్నారు. ఇప్పటికే ఆయన నాలుగుసార్లు మాచర్ల బరిలోనిలిచి ఎమ్మెల్యేగా గెలిచారు. ఐదోసారి కూడా ఆయననే బరిలోకి దింపుతోంది వైసిపి. 

మాచర్ల టిడిపి అభ్యర్థి : 

తెలుగుదేశం పార్టీ జూలకంటి బ్రహ్మానందరెడ్డిని మాచర్ల బరిలో దింపుతోంది. ఆయన అయితేనే పిన్నెల్లి రామకృష్ణారెడ్డిని సమర్ధవంతంగా ఎదుర్కోగలడని నమ్ముతోంది... అందువల్లే టిడిపి బరిలోకి దింపింది.  గతంలో ఇదే పిన్నెల్లి చేతిలో బ్రహ్మానందరెడ్డి ఓడిపోయారు. 

మాచర్ల అసెంబ్లీ ఎన్నికల ఫలితాలు : 

మాచర్ల అసెంబ్లీ ఎన్నికల ఫలితాలు 2019 : 

మొత్తం పోలయిన  ఓట్లు 2,12,733 (84 శాతం)

వైసిపి - పిన్నెల్లి రామకృష్ణారెడ్డి - 1,10,406 (52 శాతం) - 21,918 ఓట్ల మెజారిటితో విజయం 

టిడిపి - అన్నపురెడ్డి అంజిరెడ్డి - 88,488 (42 శాతం) - ఓటమి 

మాచర్ల అసెంబ్లీ ఎన్నికల ఫలితాలు 2014 : 

నియోజకవర్గంలో నమోదైన మొత్తం ఓటర్లు 2,38,236 

పోలయిన ఓట్లు 1,93,482 (81 శాతం) 

వైసిపి - పిన్నెల్లి రామకృష్ణారెడ్డి - 94,249 (48 శాతం) - 3,535 ఓట్ల మెజారిటీతో విజయం 

టిడిపి - కొమ్మారెడ్డి చలమారెడ్డి - 90,714 ‌(47 శాతం) ‌- ఓటమి