తమ పెళ్లికి పెద్దలు అంగీకరించకపోవడంతో విశాఖలో ప్రేమ జంట ఆత్మహత్యాయత్నం చేసింది. ఈ ఘటనలో ప్రియురాలు మరణించగా.. ప్రియుడి పరిస్ధితి విషమంగా వుంది.
విశాఖలో ప్రేమ జంట ఆత్మహత్యాయత్నం చేయడం కలకలం రేపింది. ప్రేమ పెళ్లికి పెద్దలు ఒప్పుకోకపోవడంతో వారిద్దరూ విషం తాగి బలవన్మరణానికి యత్నించారు. ఈ ఘటనలో ప్రియురాలు మరణించగా.. ప్రియుడి పరిస్ధితి విషమంగా మారింది. దీంతో అతనిని మెరుగైన చికిత్స నిమిత్తం కేజీహెచ్కు తరలించారు. స్థానిక ఎయిర్పోర్ట్ పోలీస్ స్టేషన్ పరిధిలో ఈ ఘటన చోటు చేసుకుంది. రెండేళ్లుగా వీరిద్దరి మధ్య ప్రేమ వ్యవహారం నడుస్తున్నట్లుగా తెలుస్తోంది. సమాచారం అందుకున్న పోలీసులు ఆసుపత్రి వద్దకు చేరుకున్నారు. ఈ ఘటనకు సంబంధించిన మరిన్ని వివరాలు తెలియాల్సి వుంది.