ఒంటిమిట్ట : సీతమ్మకు రూ.1.85 లక్షల విలువైన బంగారు హారం బహూకరణ
కడప జిల్లా ఒంటిమిట్ట పట్టణంలో కొలువై ఉన్న శ్రీ కోదండరామస్వామి ఆలయంలోని సీతమ్మవారికి ఓ భక్తుడు రూ.1.85 లక్షల విలువ గల 38.042 గ్రాముల బంగారు హారాన్ని బహూకరించాడు
కడప జిల్లా రాజంపేట తాలుకా ఒంటిమిట్ట పట్టణంలో కొలువై ఉన్న శ్రీ కోదండరామస్వామి ఆలయంలోని సీతమ్మవారికి ఓ భక్తుడు బంగారు హారాన్ని బహూకరించాడు. కర్నూల్కు చెందిన సి.పుల్లారెడ్డి బుధవారం ఉదయం రూ.1.85 లక్షల విలువ గల 38.042 గ్రాముల బంగారు హారాన్ని అమ్మవారికి కానుకగా సమర్పించాడు. ఈ సందర్భంగా ఆలయ ఏఈవో మురళీధర్కు ఆయన హారాన్ని అందజేశారు. అనంతరం వేద పండితులు హారానికి పూజలు నిర్వహించి, అమ్మవారికి అలంకరించారు. ఈ కార్యక్రమంలో ఆలయన సూపరింటెండెంట్ వెంకటేష్, టెంపుల్ ఇన్స్పెక్టర్ గిరి, ఆలయ అర్చకులు పాల్గొన్నారు.