టీడీపీలో చేరితే తప్పేముందని సినీ నటుడు శివాజీ ప్రశ్నించారు. తనకు టీడీపీలో చేరే హక్కుందన్నారు. ఏపీలో విపక్ష పార్టీపై శివాజీ విమర్శలు గుప్పించారు.
అమరావతి: టీడీపీలో చేరితే తప్పేముందని సినీ నటుడు శివాజీ ప్రశ్నించారు. తనకు టీడీపీలో చేరే హక్కుందన్నారు. ఏపీలో విపక్ష పార్టీపై శివాజీ విమర్శలు గుప్పించారు.
శుక్రవారం నాడు ఆయన మీడియాతో మాట్లాడారు. రాజకీయాల్లో రాబోతున్నట్టు శివాజీ ప్రకటించారు. రాజకీయ రంగ ప్రవేశం గురించి తన అభిప్రాయాన్ని ప్రకటించారు. రాజకీయాల్లో వస్తానని తేల్చి చెప్పారు.
ఏపీలో విపక్ష పార్టీ వైసీపీ తన పాత్రను సక్రమంగా నిర్వహించడం లేదని శివాజీ ఆరోపించారు. వైసీపీపై విమర్శలు చేస్తున్న సమయంలో టీడీపీలో చేరుతారని మీడియా ప్రతినిధులు ప్రశ్నిస్తే తనకు టీడీపీలో చేరే హక్కు లేదా అంటూ ఆయన ప్రశ్నించారు.టీడీపీలో చేరితే తప్పుబట్టాల్సిన అవసరం లేదన్నారు.
ఏపీ సీఎం చంద్రబాబునాయుడుపై కుట్రలు జరుగుతున్నాయని శివాజీ మరోసారి ఆరోపణలు చేశారు. తాను ప్రజల కోసం పోరాటం చేస్తున్నానని ఆయన చెప్పారు. టీడీపీ కోసం తాను పనిచేయడం లేదని మీడియా ప్రతినిధుల ప్రశ్నలకు సమాధానంగా చెప్పారు. తనకు అసెంబ్లీలో అధ్యక్షా అంటూ సంభోదించే హక్కు లేదా అని ఆయన ప్రశ్నించారు.
సంబంధిత వార్తలు
