వైఎస్ వివేకా హత్య కేసు విచారణకు నేటీతో ముగియనున్న గడువు:సప్లిమెంటరీ చార్జీషీట్ దాఖలు చేయనున్న సీబీఐ
మాజీ మంత్రి వైఎస్ వివేకానందరెడ్డి హత్య కేసు విచారణకు సీబీఐకి నేటీతో గడువు ముగియనుంది. అయితే ఈ కేసు విచారణకు మరింత సమయం కావాలని సీబీఐ కోరే అవకాశం ఉంది.
Followఅమరావతి: మాజీ మంత్రి వైఎస్ వివేకానందరెడ్డి హత్య కేసు విచారణకు నేటీతో గడువు ముగియనుంది. వైఎస్ వివేకానందరెడ్డి హత్య కేసు విచారణను జూన్ 30వ తేదీ లోపుగా పూర్తి చేయాలని సీబీఐని సుప్రీంకోర్టు ఆదేశించింది. అయితే ఈ కేసు విచారణకు మరింత సమయం కోరాలని సీబీఐ భావిస్తుందని సమాచారం.
మాజీ మంత్రి వైఎస్ వివేకానందరెడ్డి 2019 మార్చి 14వ తేదీన పులివెందులలోని తన నివాసంలో హత్యకు గురయ్యారు.
ఈ హత్య కేసును సీబీఐ విచారిస్తుంది. ఈ కేసులో పలువురు నిందితులు, అనుమానితుల నుండి స్టేట్ మెంట్లను సీబీఐ సేకరించింది. మరో వైపు ఈ కేసులో పలువురిని సీబీఐ అరెస్ట్ చేసింది.
వైఎస్ వివేకానందరెడ్డి హత్య కేసును తెలంగాణలోని సీబీఐ కోర్టు విచారిస్తుంది. ఈ కేసులో కడప ఎంపీ వైఎస్ అవినాష్ రెడ్డిని ఇటీవలనే నిందితుడిగా సీబీఐ చేర్చింది. ఈ మేరకు కోర్టుకు కూడ తెలిపింది. కడప ఎంపీ వైఎస్ అవినాష్ రెడ్డి ముందస్తు బెయిల్ పొందిన తర్వాత ఈ కేసులో ఐదుదఫాలు ఆయనను సీబీఐ అధికారులు విచారించారు.
వైఎస్ వివేకానందరెడ్డి హత్య కేసుకు సంబంధించి ఇవాళ కోర్టులో సీబీఐ అధికారులు సప్లిమెంటరీ చార్జీషీట్ దాఖలు చేసే అవకాశం ఉంది. ఈ చార్జీషీట్ లో సీబీఐ ఏ అంశాలను ప్రస్తావిస్తారోననేది సర్వత్రా ఉత్కంఠ నెలకొంది. మరో వైపు మాజీ మంత్రి వైఎస్ వివేకానందరెడ్డి హత్య కేసు విచారణకు గడువును కోరాలని సీబీఐ భావిస్తున్నట్టుగా సమాచారం. ఈ విషయమై సుప్రీంకోర్టును రిక్వెస్ట్ చేయాలని సీబీఐ భావిస్తుంది. ఇప్పటికే వైఎస్ వివేకానందరెడ్డి హత్య కేసు విచారణ గడువు రెండు సార్లు పొడిగించారు.
మరోసారి కూడ విచారణ గడువు కోరాలని సీబీఐ కోరితే కోర్టు ఏ రకంగా స్పందిస్తుందోననేది ప్రస్తుతం చర్చనీయాంశంగా మారింది.ఇదిలా ఉంటే వైఎస్ వివేకానందరెడ్డి హత్య కేసుకు సంబంధించి సీబీఐ కోర్టులో హియరింగ్ ఉంది. దీంతో నిందితులను సీబీఐ అధికారులు కోర్టులో ప్రవేశ పెట్టనున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
