గ్రాడ్యుయేట్స్, టీచర్స్ ఎమ్మెల్సీ ఎన్నికలు: ఏపీ, తెలంగాణలో అభ్యర్ధులను ప్రకటించిన బీజేపీ
ఆంధ్రప్రదేశ్, తెలంగాణ రాష్ట్రాల్లో టీచర్స్, గ్రాడ్యుయేట్స్ ఎన్నికల్లో పోటీ చేసే అభ్యర్ధులను బీజేపీ ప్రకటించింది.
 )
Followహైదరాబాద్: రెండు తెలుగు రాష్ట్రాల్లో ఎమ్మెల్సీ ఎన్నికలకు అభ్యర్ధులను ప్రకటించింది. బీజేపీ, రెండు తెలుగు రాష్ట్రాల్లో స్థానిక సంస్థల, పట్టభద్రుల, టీచర్స్ ఎమ్మెల్సీ స్థానాలకు వచ్చే నెలలో ఎన్నికలు జరగనున్నాయి. ఈ ఎన్నికల షెడ్యూల్ ను కేంద్ర ఎన్నికల సంఘం ఇటీవలనే విడుదల చేసింది.
తెలంగాణ రాష్ట్రంలోని మహబూబ్ నగర్ -రంగారెడ్డి- హైద్రాబాద్ ఎమ్మెల్సీ స్థానానికి బీజేపీ అభ్యర్ధిగా వెంకట్ నారాయణ రెడ్డి బరిలోకి దిగనున్నారు. ఆంధ్రప్రదేశ్ రాష్ట్రంలోని ఉత్తరాంధ్ర గ్రాడ్యుయేట్స్ స్థానానికి బీజేపీ అభ్యర్ధిగా
మాధవ్ , కడప గ్రాడ్యుయేట్స్ ఎమ్మెల్సీ అభ్యర్ధిగా రాఘవేంద్ర, ప్రకాశం గ్రాడ్యుయేట్స్ అభ్యర్ధిగా దయాకర్ రెడ్డిని బీజేపీ బరిలోకి దింపనుంది.
రెండు తెలుగు రాష్ట్రాల్లో 15 ఎమ్మెల్సీ స్థానాలకు ఎన్నికలు జరగనున్నాయి. ఈ ఏడాది మార్చి 13న పోలింగ్ జరగనుంది. ఈ ఎమ్మెల్సీ స్థానాలకు ఈ నెల 16న నోటిఫికేషన్ విడుదల కానుంది.
also read:ఏపీ, తెలంగాణలో 15 ఎమ్మెల్సీ స్థానాల ఎన్నికల షెడ్యూల్ విడుదల: మార్చి 13న పోలింగ్
ఆంధ్రప్రదేశ్ రాష్ట్రంలోని ప్రకాశం- నెల్లూరు-చిత్తూరు,.కడప-అనంతపురం-కర్నూల్ శ్రీకాకుళం-విజయనగరం-విశాఖపట్టణం గ్రాడ్యుయేట్స్ స్తానాలకు ఎన్నికలు జరగనున్నాయి. ఏపీ రాష్ట్రంలోని ప్రకాశం-నెల్లూరు-చిత్తూరు,కడప-అనంతపురం-కర్నూల్ కు చెందిన టీచర్స్ ఎమ్మెల్సీ స్థానాలకు ఎన్నికలు జరగనున్నాయి. ఇక అనంతపురం,కడప ,నెల్లూరు,పశ్చిమగోదావరి,తూర్పు గోదావరి,శ్రీకాకుళం,చిత్తూరు,కర్నూల్ స్థానిక సంస్థల ఎమ్మెల్సీ స్థానాలకు ఎన్నికలు జరుగుతాయి. ఇక తెలంగాణ రాష్ట్రంలోని మహబూబ్ నగర్- రంగారెడ్డి -హైద్రాబాద్ టీచర్స్ ఎమ్మెల్సీ స్థానానికి ,హైద్రాబాద్ స్థానిక సంస్థల ఎమ్మెల్సీ స్థానానికి ఎన్నికలు జరుగుతాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
