లాటరైట్ పేరుతో బాక్సైట్ తవ్వకాలు.. ఏపీలో యధేచ్చగా దందా..
విశాఖ పట్నం జిల్లాలోని ఏజెన్సీ ప్రాంతమైన నాతవరం మండలం సరుగుడు పంచాయతీ పరిధిలో జోరుగా లాటరైట్ తవ్వకాలు సాగుతున్నాయి. ఈ అక్రమ తవ్వకాల వెనుక గనుల శాఖ సహకారం ఉందనే ఆరోపణలు వినిపిస్తున్నాయి.
 )
Followవిశాఖ : ఆంధ్రప్రదేశ్ లో లాటరైట్ ఖనిజం తవ్వకాలు యధేచ్ఛగా సాగుతున్నాయి. తవ్వకాలను తక్షణం ఆపాలని జాతీయ మరిత ట్రిబ్యునల్ ఎన్జీటి ఆదేశించినా దందా సాగిస్తున్నారు. ఇటు అధికారులు కూడా పట్టించుకోవడంలేదు. సర్కార్ పెద్దల కనుసన్నల్లో లాటరైట్ నిక్షేపాలను కొల్లగొడుతున్నారు.
విశాఖ పట్నం జిల్లాలోని ఏజెన్సీ ప్రాంతమైన నాతవరం మండలం సరుగుడు పంచాయతీ పరిధిలో జోరుగా లాటరైట్ తవ్వకాలు సాగుతున్నాయి. ఈ అక్రమ తవ్వకాల వెనుక గనుల శాఖ సహకారం ఉందనే ఆరోపణలు వినిపిస్తున్నాయి.
వాస్తవానికి ఎన్జీటీ ఆదేశాలు వెలువడిన తరువాత లేటరైట్ తవ్వకాలు జరగకుండా అధికారులు చర్యలు చేపట్టాలి. పోలీసు శాఖకు సమాచారం ఇవ్వాలి. కానీ ఇవేమీ జరగలేదు. తరలించుకుపోతున్న ఖనిజం సర్కారు పెద్దల కోసమే కావడంతో వారంతా కళ్లప్పగించి చూస్తున్నారన్న ఆరోపణలు వస్తున్నాయి. కొన్ని రోజులుగా భారీస్థాయిలో ఖనిజాన్ని తవ్వి తీసుకుపోతున్నారు.
నాతవరం మండలంలోని బమిడికలొద్దులో 272 హెక్టార్లలో భారీగా లేటరైట్ తవ్వకాలు జరుగుతున్నాయి. అనుమతులు లేని ప్రాంతాల్లో మైనింగ్ యథేచ్చగా నిర్వహిస్తున్నారు. ఈ విషయం మీద టీడీపీ నాయకుడు మరీదయ్య అనే వ్యక్తి ఎన్జీటీని ఆశ్రయించారు. ఆధారాలూ సమర్పించారు. దీనిమీద విచారించిన ఎన్జీటీ గత నెల 30న తీర్పు వెలువరించింది.
మైనింగ్ తవ్వకాలను తక్షణం ఆపాలంటూ, దీనిమీద విచారణకు ప్రత్యేక కమిటీని నియమిస్తూ ఆదేశాలు ఇచ్చింది. అక్రమాలకు సహకరించిన అధికారులమీద విచారణ చేపట్టి నివేదిక ఇవ్వాలని ఆదేశించింది. కేంద్ర అటవీ శాఖ, రాష్ట్ర గనుల శాఖ, కాలుష్య నియంత్రణ బోర్డు అధికారులు, విశాఖ కలెక్టర్ తదితర అధికారులను కమిటీలో నియమించింది.
ఈ నేపథ్యంలో మైనింగ్ దందా ఆపాల్సి ఉండగా.. అందుకు విరుద్ధంగా బమిడికలొద్దు ప్రాంతంలోకి మూడో వ్యక్తి రాకుండా ప్రైవేటు మనుషులను నియమించి.. భారీగా తవ్వకాలు చేపడుతున్నారు. ఎన్జీటీ ఆదేశించినా జోరుగా తవ్వకాలు సాగిస్తున్నారు. రాత్రి 7నుంచి తెల్లవారుజామున 4 గంటలవరకు మధ్యలో వందలాది టిప్పర్లలో లేటరైట్ ను తరలిస్తున్నారు.
తూర్పు గోదావరి జిల్లా రౌతులపూడి మండలం జల్దాం వరకు రిజర్వ ఫారెస్ట్ మీదుగా అడ్డగోలుగా నిర్మించిన రోడ్డు మీద తరలిస్తూ చల్లూరు వద్ద ప్రైవేటు డంపింగ్ యార్డులో భారీగా నిల్వ చేస్తున్నారు. లేటరైట్ తరలిస్తున్న లారీలను అడ్డుకోవాలని అటవీశాఖ ఉన్నతాధికారులు సిబ్బందిని ఆదేశించారు. కానీ క్షేత్రస్థాయిలో రాత్రిపూట బీట్ పర్యవేక్షించే అటవీ సిబ్బందిని అక్రమార్కులు లోబర్చుకుని ఖనిజాన్ని ఖనిజాన్ని డంపింగ్ యార్డుకు తరలిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
