ఈ నెల 18న జగనన్న తోడు పథకం కింద నిధులు: పవన్ పై మంత్రి వేణుగోపాల్ ఫైర్
ఈ నెల 21న నేతన్న నేస్తం కింద లబ్దిదారులకు నిధులను జమ చేయనున్నట్టుగా మంత్రి వేణుగోపాల్ తెలిపారు.ఏపీ కేబినెట్ సమావేశ నిర్ణయాలను మంత్రి వివరించారు.
Followహైదరాబాద్:ఈ నెల 18న జగనన్న తోడు పథకం కింద నిధుల విడుదలకు కేబినెట్ ఆమోదం తెలిపిందని ఏపీ మంత్రి చెల్లుబోయిన వేణుగోపాల్ తెలిపారు. ఏపీ కేబినెట్ లో తీసుకున్న నిర్ణయాలను మంత్రి చెల్లుబోయిన వేణుగోపాల్ మీడియాకు వివరించారు. బుధవారంనాడు ఏపీ సచివాలయంలో ఆయన మీడియాతో మాట్లాడారు. జూలై నెలలో చేపట్టనున్న పలు సంక్షేమ కార్యక్రమాలకు కేబినెట్ ఆమోదం తెలిపిందని మంత్రి తెలిపారు.
ఈ నెల 20న సీఆర్‌డీఏ ప్రాంతంలో ఇళ్ల నిర్మాణ పనుల ప్రారంభానికి కేబినెట్ ఆమోదం తెలిపిందని మంత్రి వివరించారు. ఈ నెల 21న నేతన్న నేస్తం కింద లబ్దిదారులకు నిధులను జమ చేయనున్నట్టుగా మంత్రి వేణుగోపాల్ తెలిపారు. ఈ నెల 26న సున్నా వడ్డీ కింద డ్వాక్రా మహిళలకు ప్రభుత్వం నిధులను జమ చేయనుందని మంత్రి చెప్పారు. భూమిలేని పేదలకు ఇచ్చిన భూమిపై ఇచ్చిన ఆంక్షలను కేబినెట్ ఎత్తివేసిందని మంత్రి తెలిపారు.
ప్రతి అసెంబ్లీ నియోజకవర్గంలో నైపుణ్యాభివృద్ది సంస్థను ఏర్పాటు చేసేందుకు కేబినెట్ ఆమోదం తెలిపిందని మంత్రి చప్పారు. జేఎన్‌టీయూ కాకినాడ కాలేజీలో 27 సిబ్బంది నియామకం కోసం కేబినెట్ ఆమోదం తెలిపిందన్నారు. యూనివర్శిటీల్లో బోధన సిబ్బంది కొరత తీర్చేందుకు ఉద్యోగుల వయస్సు పరిమితిని పెంచుతూ నిర్ణయం తీసుకున్నట్టుగా మంత్రి తెలిపారు.
పవన్ కళ్యాణ్ పై మంత్రి వేణుగోపాల్ ఫైర్
జనసేన చీఫ్ పవన్ కళ్యాణ్ ను చంద్రబాబు రెండు జిల్లాలకు పరిమితం చేశాడన్నారు. మహిళల మిస్సింగ్ కేసులన్నీ మానవ అక్రమ రవాణా కిందకు వస్తాయా అని మంత్రి ప్రశ్నించారు. పవన్ కళ్యాణ్ ను ట్రాప్ చేసి వాలంటీర్లపై చంద్రబాబు మాట్లాడించారని మంత్రి విమర్శించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
