Feb 17, 2023, 11:00 AM IST
వనపర్తి : రైతు బంధు, రైతు భీమా, రుణమాపీ... ఇలా తెలంగాణ రైతాంగం కోసం ముఖ్యమంత్రి కేసీఆర్ ఎంతో చేస్తున్నారు. ఇలా తమకోసం పరితపిస్తున్న నాయకుడికి తమదైన స్టైల్లో పుట్టినరోజు బహుమతి ఇవ్వాలని భావించిన వనపర్తి రైతులు వినూత్న ఆలోచన చేసారు. వ్యవసాయ మంత్రి సింగిరెడ్డి నిరంజన్ రెడ్డి ఆధ్వర్యంలో వనపర్తి మార్కెట్ యార్డు ప్రాంగణంలో పల్లీలు, ఉలువలు, ఉప్పు, వివిధ రంగులతో 25 అడుగుల పొడవు, 60 అడుగుల వెడల్పు కేసీఆర్ చిత్రపటాన్ని రూపొందించారు. రైతు బాందవుడిగా కేసీఆర్ కు పుట్టినరోజు శుభాకాంక్షలు అంటూ వ్యవసాయ ఉత్పత్తులతో అద్భుతంగా రూపొందించిన కేసీఆర్ చిత్రపటం అందరినీ ఆకట్టుకుంటోంది.