మునుగోడులో ఏనుగు తొక్కితే ... కారు, చెయ్యి నుజ్జు నుజ్జే..: ఆర్ఎస్ ప్రవీణ్

నల్గొండ : మునుగోడు ఉపఎన్నికల్లో కీలకమైన పోలింగ్ కు సమయం దగ్గరపడునకొద్ది పార్టీల ప్రచారం, నాయకుల మాటలయుద్దం మరింత జోరందుకుంది. ప్రధాన పార్టీలు టీఆర్ఎస్, బిజెపి, కాంగ్రెస్ పార్టీలతో బిఎస్పీ కూడా ముమ్మర ప్రచారం చేస్తోంది. ఆ పార్టీ అధ్యక్షుడు ఆర్ఎస్ ప్రవీణ్ కుమార్ మునుగోడులోనే వుంటూ పార్టీ శ్రేణులను ఉత్సాహపరుస్తూ ప్రచారం చేపడుతున్నారు. ఈ క్రమంలోనే మాటలతో ప్రచారాన్ని హీటెక్కిస్తున్నారు. 

డొక్కు కారును ఇంకా నడిపించడం సాధ్యం కాదు... కాబట్టి కారును షెడ్డుకు పంపించి తల్లిలాంటి ఏనుగును ఆదరించాలని మునుగోడు ప్రజలను ప్రవీణ్ కోరారు. వంద సంవత్సరాలు బ్రతికే ఏనుగు మాతృత్వానికి గుర్తని అన్నారు. ఏనుగు కాలు కారుపై, చేయిపై పడ్డా అది నుజ్జు నుజ్జు అవుతుందన్నారు. బహుజనులు ఏ పార్టీలో ఉన్నా పోలింగ్ కేంద్రాల్లోకి వెళ్లాక బరాబర్ ఏనుగు గుర్తు మీదే ఓటెయ్యాలని ఆర్ఎస్ ప్రవీణ్ కోరారు.