Jan 9, 2023, 12:00 PM IST
హైదరాబాద్ : తెలంగాణ రాజధాని హైదరాబాద్ లోని లాల్ బహదూర్ (ఎల్బీ) స్టేడియంలో హింద్ కేసరి 2022 ( 51వ నేషపల్ ఇండియన్ స్టైల్ రెజ్లింగ్ ఛాంపియన్ షిప్) ముగింపు కార్యాక్రమం ఘనంగా జరిగింది. తెలంగాణ క్రీడాశాఖ మంత్రి శ్రీనివాస్ గౌడ్ తో పాటు స్థానిక మంత్రి తలసాని శ్రీనివాస్ యాదవ్, ఎమ్మెల్సీ కవిత ఈ ముగింపు కార్యక్రమంలో పాల్గొని కుస్తీ పోటీలను తిలకించారు. ఈ సందర్భంగా కుస్తీ పోటీలకు పూర్వవైభవం తీసుకువస్తామని మంత్రులు హామీ ఇచ్చారు. ఎంతో ఆదరణ కలిగిన కుస్తీ పోటీలు ఇంతకాలం నిరాదరణకు గురయ్యాయని... తెలంగాణ ప్రభుత్వం ఈ పోటీల అభివృద్ధి కి కృషి చేస్తుందన్నారు.
ఇక 85 కేజీల మహిళల రెజ్లింగ్ టైటిల్ మ్యాచ్ కు హాజరైన ఎమ్మెల్సీ కవిత విజేతలకు బహుమతులు అందించి అభినందించారు. దంగల్ అంటే దమ్మున్న క్రీడ... దీని అభివృద్దికి తెలంగాణ సర్కార్ సహకారం, క్రీడాకారులకు సీఎం కేసీఆర్ ప్రోత్సాహం వుంటుందని కవిత తెలిపారు.