ఇందిరా గాంధీ వర్ధంతి ...శక్తి స్ధల్ వద్ద సోనియా, హైదరాబాద్ శివారులో రాహుల్ నివాళి

డిల్లీ :  మాజీ ప్రధాని ఇందిరా గాంధీ వర్ధంతిని పురస్కరించుకుని ఇటీవలే కాంగ్రెస్ అధ్యక్షుడిగా ఎన్నికయిన మల్లికార్జున ఖర్గే, మాజీ అధ్యక్షురాలు సోనియా గాంధి ఘనంగా నివాళి అర్పించారు. దేశ రాజధాని డిల్లీలోని శక్తి స్థల్ కు చేరుకున్న ఖర్గే, సోనియాతో పాటు ఇతర కాంగ్రెస్ నాయకులు ఇందిరా గాంధీ సమాధి వద్ద నివాళి అర్పించారు. మరోవైపు భారత్ జోడో యాత్రలో భాగంగా హైదరాబాద్ శివారులో బసచేసిన రాహుల్ గాంధీ మరియు కాంగ్రెస్ శ్రేణులు కూడా ఇందిరా గాంధీకి నివాళి అర్పించారు. అలాగే మాజీ హోంమంత్రి సర్దార్ వల్లభాయ్ పటేల్ జయంతి సందర్భంగా ఆయన చిత్రపటానికి కూడా రాహుల్ నివాళి అర్పించారు.