Jan 10, 2023, 5:52 PM IST
మైలవరం : వైసిపి ఎమ్మెల్యే వసంత కృష్ణప్రసాద్ ప్రస్తుత రాజకీయాలపై సంచలన వ్యాఖ్యలు చేసారు. తాను పుట్టినప్పటి నుండి నాన్న వసంత నాగేశ్వరరావు రాజకీయాల్లో ఉన్నారని... 55 ఏళ్లుగా తమ కుటుంబం రాజకీయాల్లో ఉందన్నారు. కానీ ప్రస్తుత రాజకీయాల్లో తాను వెంటబడ్డానని... పదిమంది రౌడీలను వెంటేసుకొని తిరగడం చేతగాక పాతతరం నాయకుడిలా మిగిలిపోయానన్నారు. నేటి రాజకీయాల్లో పెద్దరికం పనిచేయడం లేదని... పదిమంది పోరంబోకులగాళ్లు పక్కన వుంటేనే ముందడుగు వేసే పరిస్థితి వుందన్నారు. ఇలాంటి రాజకీయాలు తాను చేయబోనని... అందుకే గత మూడున్నరేళ్లలో ఎవరిపైనా అక్రమ కేసులు బనాయించలేదు, అర్హులకు పథకాలు ఆపలేదన్నారు. దీంతో తమ పార్టీలోని కొందరు నాయకులకు తనపై అసంతృప్తి ఉందని మైలవరం ఎమ్మెల్యే కృష్ణప్రసాద్ సంచలన వ్యాఖ్యలు చేసారు.