దళిత సంఘాల హిందూ దేవాలయాల ముట్టడి... పోలీస్ పహారాలో చినజీయర్ ఆశ్రమం

తాడేపల్లి : దళితులను హిందూ గుడులలో ఉద్యోగాల్లోకి తీసుకోకపోవడం, ఉన్న ఉద్యోగులనూ తొలగించడాన్ని నిరసిస్తూ ఇవాళ(మంగళవారం) జాతీయ దళిత సంఘాల ఆందోళనకు పిలుపునిచ్చిన విషయం తెలిసిందే. ఇందులో భాగంగా హిందూ దేవాలయాలు, ఆశ్రమాల ముట్టడికి దళిత సంఘాలు సిద్దమవగా వారిని నిలువరించేందుకు పోలీసులు ముందస్తు చర్యలు చేపట్టారు. ఈ క్రమంలోనే ఏపీ పోలీసులు కూడా అప్రమత్తమయ్యారు. తాడేపల్లి సీతానగరం చినజీయర్ స్వామి ఆశ్రమానికి వెళ్లే అన్ని మార్గాలలో పోలీసు బందోబస్తు చేపట్టారు. ఆశ్రమ నిర్వహకుల అభ్యర్థన మేరకు బందోబస్తు ఏర్పాటు చేసినట్లు పోలీసులు తెలిపారు.