Feb 9, 2023, 9:57 PM IST
డ్రగ్స్ రహిత ఆంధ్రప్రదేశ్ లక్ష్యంగా రాష్ట్ర ప్రభుత్వం చర్యలు చేపట్టింది. ఈ నేపథ్యంలో ‘‘ డ్రగ్స్ రహిత ఆంధ్రప్రదేశ్’’ అనే నినాదంతో భారీ ప్లెక్సీ లు ఏర్పాటు చేస్తున్నారు పోలీసులు. తాడేపల్లి పరిసర ప్రాంతాలు, బైపాస్, సీఎం క్యాంప్ కార్యాలయం సహా పలు ప్రాంతాలలో భారీ ఫ్లెక్సీలు ఏర్పాటు చేసే పనిలో నిమగ్నమయ్యారు తాడేపల్లి పోలీసులు. ప్రజలు ముఖ్యంగా యువతకు అవగాహన కల్పించేందుకు ఫ్లెక్సీలపై మాపకద్రవ్యాలతో కొన్ని సూచికలు ఏర్పాటు చేశారు. రాష్ట్ర పోలీసు, ఎస్ఈబి ఉచిత ఫోన్ నెంబర్‌లను ఫ్లెక్సీల పై ఏర్పాటు చేశారు . డ్రగ్స్ రహిత రాష్ట్రంగా తీర్చిదిద్దేందుకే వీటిని ఏర్పాటు చేసినట్లు పోలీసులు చెబుతున్నారు.