పొన్నూరులో నిలిచిపోయిన 'వాల్తేరు వీరయ్య' సినిమా... థియేటర్ పై అభిమానుల దాడి

గుంటూరు : మెగాస్టార్ చిరంజీవి, మాస్ మహారాజా రవితేజ నటించిన వాల్తేరు వీరయ్య సినిమా సంక్రాంతి కానుకగా ఇవాళ(శుక్రవారం) విడుదలయ్యింది. అయితే గుంటూరు జిల్లా పొన్నూరులోని శ్రీలక్ష్మి థియేటర్ లో ఈ సినిమా ప్రదర్శిస్తుండటంతో మెగా అభిమానులు, సినీ ప్రేక్షకులు భారీగా చేరుకున్నారు. వారి ఆశలపై నీళ్లుచల్లుతూ సాంకేతిక కారణాలతో సినిమా ప్రదర్శన నిలిచిపోయింది. దీంతో ఆగ్రహించిన అభిమానులు థియేటర్ దాడికి పాల్పడి అద్దాలు ధ్వంసం చేసారు. విషయం తెలిసి పోలీసులు థియేటర్ వద్దకు చేరుకుని మెగా అభిమానులకు సర్దిచెప్పడంతో శాంతించారు.