గుడివాడలో దారుణం... పబ్లిక్ టాయ్ లెట్ లో మృతదేహం

 గుడివాడ : పబ్లిక్ టాయ్ లెట్ లో వ్యక్తి మృతదేహం కృష్ణా జిల్లా గుడివాడలో కలకలం రేపింది. ఇవాళ ఉదయం అనుమానాస్పద స్థితిలో ఓ వ్యక్తి మృతదేహాన్ని చేపల మార్కెట్ వద్దగల పబ్లిక్ టాయ్ లెట్ లో గుర్తించారు. వెంటనే పబ్లిక్ టాయ్ లెట్ నిర్వహకులు పోలీసులకు సమాచారమిచ్చారు. ఘటనాస్థలికి చేరుకున్న వన్ టౌన్ పోలీసులు మృతదేహాన్ని పోస్టుమార్టం నిమిత్తం తరలించారు. అనుమానాస్పద మృతిగా కేసు నమోదు చేసిన పోలీసులు దర్యాప్తు చేపట్టారు.