వైస్ చైర్మన్ దాడి: గుర్తు చేసుకుని ఏడ్చేసిన అనిత

ఆస్పత్రి నుంచి డిశ్చార్జి అయిన అనిత మీడియాతో మాట్లాడారు. కఠినమైన శ్రమ చేసి తాను ఈ స్థాయికి వచ్చానని, ప్రభుత్వ పాఠశాలలో చదివానని, సమాజానికి మంచి చేయాలనే సంకల్పంతో పనిచేస్తున్నానని ఆమె చెప్పారు.

హైదరాబాద్: వైఎస్ చైర్మన్ కోనేరు కృష్ణ, అతని అనుచరులు తనపై చేసిన దాడిని గుర్తు చేసుకుంటూ తెలంగాణ అటవీ శాఖ మహిళా అధికారి ఏడ్చేశారు. కొమరం భీము ఆసిఫాబాద్ జిల్లాలో ఆ సంఘటన జరిగిన విషయం తెలిసిందే. తీవ్రంగా గాయపడిన ఆమె ఆస్పత్రిలో చికిత్స పొందారు. 

ఆస్పత్రి నుంచి డిశ్చార్జి అయిన అనిత మీడియాతో మాట్లాడారు. కఠినమైన శ్రమ చేసి తాను ఈ స్థాయికి వచ్చానని, ప్రభుత్వ పాఠశాలలో చదివానని, సమాజానికి మంచి చేయాలనే సంకల్పంతో పనిచేస్తున్నానని ఆమె చెప్పారు. తన యూనిఫాంను తాను గౌరవిస్తానని, ప్రజలకు మంచి చేయాలనే ఉద్దేశంతోనే యూనిఫాం ధరించానని ఆమె అన్నారు. 

తనపై దారుణంగా దాడి చేశారని, దీన్ని తాను ఖండిస్తున్నానని అనిత చెప్పారు. దాడి సంఘటనపై కోనేరు కృష్ణ తన పదవికి రాజీనామా చేసిన విషయం తెలిసిందే. కోనేరు కృష్ణ స్థానిక శాసనసభ్యుడు కోనేరు కోనప్ప సోదరుడు కూడా. 

అనితపై దాడి సంఘటనను తెలంగాణ రాష్ట్ర సమితి (టీఆర్ఎస్) వర్కింగ్ ప్రెసిడెంట్ కేటీ రామారావు ఖండించారు. సంఘటనపై ముఖ్యమంత్రి కె. చంద్రశేఖర రావు కూడా తీవ్రంగా స్పందించారు. 

సంబంధిత వార్తలు