ఏడేళ్ల చిన్నారిపై డ్రైవర్ పైశాచికం: నెల రోజుల నుంచి అత్యాచారం

హైదరాబాద్‌లో దారుణం జరిగింది. ఏడేళ్ల చిన్నారిపై ఓ కామాంధుడు నెల రోజుల నుంచి అత్యాచారానికి పాల్పడుతున్నాడు. వివరాల్లోకి వెళితే.. పాతబస్తీలోని జంగమ్మెట్‌కు చెందిన మతీన్ అలీఖాన్‌‌కు ఐదేళ్ల క్రితం వివాహం జరిగింది..

ఈ క్రమంలో భర్తతో విభేదాలు రావడంతో ఏడాదికే భార్య అతడిని వదిలేసి వెళ్లిపోయింది. అప్పటి నుంచి ఒంటరిగా ఉంటున్న అలీఖాన్ కన్ను పక్కింటిలోని ఓ ఏడేళ్ల చిన్నారిపై పడింది. బాలిక ఇంట్లో ఎవరూ లేని సమయంలో ఆమెను మరో ప్రాంతానికి తీసుకెళ్లి అత్యాచారానికి పాల్పడుతున్నాడు.

శనివారం కూడా బాలికపై లైంగికదాడి చేస్తుండటంతో ఆమె కుటుంబసభ్యులు దీనిని గమనించారు. వారి రాకను పసిగట్టిన అలీఖాన్ అక్కడి నుంచి పారిపోయాడు. నెల రోజుల నుంచి ఇలా చేస్తున్నాడని చిన్నారి తన తల్లిదండ్రులకు చెప్పగా... వారు పోలీసులకు ఫిర్యాదు చేయడానికి భయపడ్డారు. స్థానికుల ద్వారా సమాచారం అందుకున్న ఫలక్‌నూమా పోలీసులు కేసు నమోదు చేసుకుని, నిందితుడిని గాలిస్తున్నారు.