కోహ్లీ టాస్ గెలిస్తే భారత్‌కు విజయమే..

క్రికెట్‌లో సెంటిమెంట్లు చాలా ఉంటాయి. అందులో ఒకటి విరాట్ కోహ్లీ టాస్ గెలిస్తే భారత్ ఖచ్చితంగా గెలవడం.. ఒకసారి కాదు రెండు సార్లు ఏకంగా 20 సార్లు ఈ సెంటిమెంట్ రుజువైంది. కెప్టెన్‌గా కోహ్లీ సారథ్యం వహించిన టెస్ట్ మ్యాచుల్లో 20 సార్లు టాస్ గెలవగా.. ఇందులో 17 సార్లు భారత్‌ను విజయం వరించింది.

మూడు మ్యాచ్‌లు డ్రా అయ్యాయి. అంటే ఒక్క ఓటమి కూడా లేదు. అలాగే అడిలైడ్‌లో విజయం కోహ్లీ మరో అరుదైన రికార్డును సాంతం చేసుకున్నాడు. ఆస్ట్రేలియా, దక్షిణాఫ్రికా, ఇంగ్లాండ్‌లలో కనీసం ఒక టెస్ట్ విజయాన్ని సాధించిన తొలి ఆసియా సారథిగా కోహ్లీ చరిత్ర సృష్టించాడు.

అంతేకాకుండా ఆసీస్ గడ్డపై సిరీస్ తొలి మ్యాచ్ గెలిచిన ఏకైక భారత కెప్టెన్‌గా.. జట్టుగా టీమిండియా అరుదైన ఫీట్‌ను సాధించింది. గతంలో భారత్ ఆస్ట్రేలియా గడ్డపై ఐదు మ్యాచ్‌లు గెలిచినప్పటికీ ఎప్పుడు తొలి మ్యాచ్ నెగ్గలేదు.