చిదంబరంకు సుప్రీంకోర్టులో చుక్కెదురు: అరెస్ట్ పై జోక్యం చేసుకోలేమన్న ధర్మాసనం

మాజీ కేంద్రమంత్రి చిదంబరంకు సుప్రీంకోర్టులో చుక్కెదురు అయ్యింది. ఐఎన్ఎక్స్ మీడియా కేసులో మధ్యంతర బెయిల్ కోరుతూ సుప్రీంకోర్టును ఆశ్రయించారు చిదంబరం. అయితే చిదంబరం పిటీషన్ పై విచారణ చేపట్టిన సుప్రీంకోర్టు అరెస్ట్ పై తాము జోక్యం చేసుకోలేమని స్పష్టం చేసింది.  

న్యూఢిల్లీ:మాజీ కేంద్రమంత్రి చిదంబరంకు సుప్రీంకోర్టులో చుక్కెదురు అయ్యింది. ఐఎన్ఎక్స్ మీడియా కేసులో మధ్యంతర బెయిల్ కోరుతూ సుప్రీంకోర్టును ఆశ్రయించారు చిదంబరం. అయితే చిదంబరం పిటీషన్ పై విచారణ చేపట్టిన సుప్రీంకోర్టు అరెస్ట్ పై తాము జోక్యం చేసుకోలేమని స్పష్టం చేసింది.  

ఢిల్లీ హైకోర్టు ఇచ్చిన ఉత్తర్వులలో తాము జోక్యం చేసుకోలేమని సుప్రీం కోర్టు స్పష్టం చేసింది. ఇకపోతే చిదంబరం ఐఎన్ఎక్స్ మీడియా ముడుపుల వ్యహారం ఆరోపణలు ఎదుర్కొంటున్నారు. ఈ పరిణామాల నేపథ్యంలో ఆయనను ఇటీవలే సీబీఐ, ఈడీ అధికారులు అదుపులోకి తీసుకున్నారు. 

సోమవారంతో చిదంబరం సీబీఐ కస్టడీ ముగియనుంది. అయితే ఐఎన్ఎక్స్ మీడియా కేసులో బెయిల్ వస్తుందని చిదంబరం ఆశగా ఎదురుచూశారు. అయితే ఆయన ఆశలు ఆడియాశలు చేసింది సుప్రీంకోర్టు.