చంద్రయాన్ గుండె చప్పుడు వింటున్నాం... ఆనంద్ మహీంద్రా ట్వీట్

 శాస్త్రవేత్తలకు పలువురు ప్రముఖులు మనోధైర్యాన్ని ఇచ్చే ప్రయత్నం చేస్తున్నారు. ఇప్పటికే ప్రధాని మోదీ వారిలో ధైర్యాన్ని నింపారు. కాగా.. తాజాగా ప్రముఖ పారిశ్రామిక వేత్త ఆనంద్ మహీంద్ర దీనిపై ఓ ట్వీట్ చేశారు. కాగా ఆయన చేసిన ట్వీట్ ఎందరో నెటిజన్లను విపరీతంగా ఆకట్టుకుంటోంది.  

భారత అంతరిక్ష పరిశోధన సంస్థ( ఇస్రో) ప్రతిష్టాత్మకంగా చేపట్టిన చంద్రయాన్ 2 విజయం సాధించిందా లేదా అన్న విషయంపై సందిగ్ధదత నెలకొంది. మరికాసేపట్లో చంద్రుడిపైకి అడుగుపెడుతుందన్న సమయంలో... చంద్రయాన్ 2 నుంచి సిగ్నల్స్ రావడం ఆగిపోయాయి. దీంతో ఏం జరుగుతుందో అర్థంకాక శాస్త్రవేత్తలు తీవ్ర ఆవేదనకు గురౌతున్నారు.

ఈ నేపథ్యంలో... శాస్త్రవేత్తలకు పలువురు ప్రముఖులు మనోధైర్యాన్ని ఇచ్చే ప్రయత్నం చేస్తున్నారు. ఇప్పటికే ప్రధాని మోదీ వారిలో ధైర్యాన్ని నింపారు. కాగా.. తాజాగా ప్రముఖ పారిశ్రామిక వేత్త ఆనంద్ మహీంద్ర దీనిపై ఓ ట్వీట్ చేశారు. కాగా ఆయన చేసిన ట్వీట్ ఎందరో నెటిజన్లను విపరీతంగా ఆకట్టుకుంటోంది.

మూన్‌లాండర్‌తో ఇస్రోకు సిగ్నల్స్‌ తెగిపోయిన తర్వాత..‘ సంబంధాలు తెగిపోలేదు. చంద్రయాన్‌ గుండెచప్పుడును ప్రతీ భారత పౌరుడు వినగలుగుతున్నాడు. తొలిసారి విజయం సాధించకపోతే... మళ్లీ మళ్లీ ప్రయత్నించండి అంటూ తాను చెప్పే గుసగుసలు వినగలుగుతున్నాడు’ అని ఆయన ట్విటర్‌లో పేర్కొన్నారు.

related news